भक्तपुर, ९ जेठ २०७८प्रतिनिधि सभा विघटनको विरूद्धमा विपक्षी गठबन्धन सर्वोच्च अदालत जाने तयारी गरिरहँदा प्रधानमन्त्री केपी शर्मा ओलीले राष्ट्रपति विरुद्ध कहिँकतै पनि उजुरी नलाग्ने दावी छन्।
उनले संविधानको धारा ७६ को उपधारा ५ लाई राष्ट्रपतिले स्वविवेकको रुपमा प्रयोग गर्न सक्ने जिकिर गर्दै कहिँकतै पनि उजुरी नलाग्ने दावी छन् ।
आइतबार पत्रकार सम्मेलनमा उनले संविधानको संविधानको धारा ७६ को उपधारा ५ अन्तर्गतको सरकार बन्न समय दिएर, दावी परेर, दावी सदर हुन नसक्ने अवस्था देखेर राष्ट्रपतिले आफ्नो अधिकार प्रयोग गर्दै फिर्ता गरेको प्रस्ट पारे ।
उपधारा ५ अन्तर्गत सरकार बन्न सक्ने अवस्था नरहेपछि प्रतिनिधिसभा विघटनबाहेक अर्को कुनै संवैधानिक व्यवस्था नरहेको उनको दावी छ । ओलीले प्रतिनिधिसभा विघटनविरुद्ध गलत अपव्याख्या हुन थालेको भन्दै आपत्ति जनाए ।
राष्ट्रपति भण्डारी प्रधानमन्त्री ओलीको कठपुतली भएको आरोप लागिरहँदा उनले राष्ट्रपति कदमको बचाव गर्दै आएका छन् ।