![](https://bhaktapurpost.com/wp-content/themes/onlineparda/images/1px.gif)
संघीय लोकतान्त्रिक गणतन्त्रका सेनानी रहेका पूर्व जनमुक्ति सेनाका एक कमान्डरको कोभिड १९ का कारण ज्यान गएको छ । तत्कालिन प्लाटुन कमान्डर कृष्णबहादुर श्रेष्ठ’अमिर’को कोभिड १९ का कारण ज्यान गएको हो ।
सिन्धुपाल्चोक जिल्लाको जुगल गाउँपालिका वडा नम्बर ४ पाङ्गताङ्ग घर भएका अमिरको भक्तपुर अस्पतालमा उपचारको क्रममा ज्यान गएको हो । छयालीस वर्षीय अमिर कोभिड १९ संक्रमित भएपछि अस्पताल भर्ना भएका थिए । १० दिन आइसीयु र ७ दिन भेन्टिलेटरमा राखेर उपचार गर्दापनि उनलाई बचाउन नसकिएको मेसु डा सुमित्रा गौतमले जनाएकी छन् ।
मृतक श्रेष्ठको पार्थिव शरीरलाई शनिवार पशुपतिको आर्यघाट पुर्याई अन्तिम सस्कार सम्पन्न गरिएको छ । सूर्यविनायकस्थित नेपाली सेनाको इन्द्रबक्स गणका सैनिकहरुले शव व्यवस्थापन गरी अन्तिम सस्कार सम्पन्न गरिएको मृतक अमिरका भाइ एवं पूर्व जनमुक्ति सेनाका कमान्डर गोपाल श्रेष्ठ प्रयासले बताएका छन् ।