भक्तपुरपोष्ट संवाददाताभक्तपुर,१७ साउन २०७९
भक्तपुर,१७ साउन २०७९म्याग्दीको मालिका गाउँपालिका–२ रुमको तामिङमा पहिरोले घर बगाउँदा दुुई जनाको मृत्यु भएको छ भने तीन जना बेपत्ता भएका छन् ।
आज बिहान घामबहादुर विक र गोठे विकको घर पहिरोले बगाएको हो । घटनास्थलमा रहेका निवर्तमान वडा सदस्य समबहादुर विकका अनुसार गोठे विकका छोरा राजन र नवीनको शव भेटिएको छ । गोठे र उाकी श्रीमती गोरी विक भने घाइते भएका छन् । घामबहादुर, उनकी श्रीमती राममाया र छोरी रोजी विक बेपत्ता भएका छन् । स्थानीयवासीले बेपत्ताहरुको खोजी गरिरहेका छन् ।
मालिका गाउँपालिकाका अध्यक्ष वेगप्रसाद गर्बुजाले जनप्रतिनिधि र सुरक्षाकर्मीको टोली घटनास्थलतर्फ जाँदै गरेको जानकारी दिए । घटनास्थल तामिङगाउँ रुमको फेदीमा पर्छ ।