![](https://bhaktapurpost.com/wp-content/themes/onlineparda/images/1px.gif)
काठमाडौंको बालाजु बाइसधारामा रहेको वान वल्र्ड जुत्ता कारखानामा आगलागी भएको छ । बुधबार करिब पौने १२ बजे जुत्ता कारखानामा आगलागी भएको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए।
आगलागीबाट नजिकका घरहरू समेत जोखिममा छन् । अहिले आगो निभाउने प्रयास भइरहेको प्रहरी उपरीक्षक मैनालीले जानकारी दिए । काठमाडौं महानगरपालिकाको दमकलले आगो निभाउन थालेको छ । ललितपुर महानगरबाट पनि अर्को दमकल झिकाइएको मैनालीले बताए ।
नेपाली सेना र सुरक्षाकर्मीसहित दमकल र तीनवटा ट्याङ्करमार्फत पनि आगो निभाउने प्रयास जारी छ । अहिलेसम्म आगलागीको कारण खुलेको छैन । घटनाको थप विवरण आउन बाँकी छ ।