भक्तपुर,२९ साउन २०७९काठमाडौं महानगरपालिकाले अब प्रहरी बल लगाएरै बन्चरेडाँडामा फोहोर व्यवस्थापन गर्ने भएको छ । यसअघि प्रहरी बल लगाएर फोहोर व्यवस्थापन गर्न नहुने पक्षमा उभिएका मेयर बालेन्द्र साह (बालेन)प्रहरी बल प्रयोग गर्नैपर्ने निष्कर्षमा पुगेका हुन् ।
मेयरमा निर्वाचत भएलगत्तै बन्चरेडाँडा पुगेर उनले फोहोर व्यवस्थापनका नाममा मानवीय अपराधान भइरहेको भन्दै बल प्रयोग नगर्ने प्रतिवद्धता जनाएका थिए । तर, पूर्वसहमति पालनाको काम गर्दै पटक पटक स्थानीय असन्तुष्ट समूहले फोहोर फाल्न अवरोध गरेपछि महानगरपालिका अब बल प्रयोग गर्ने निष्कर्षमा पुगेको महानगरपालिका स्रोतले बतायो ।
काठमाडौं महानगरपालिकाको फोहोर बोकेको गाडी तोडफोड भएपछि बञ्चरेडाँडामा प्रहरीको उपस्थिति बढाइएको महानगरले जनाएको छ । ठूलो सख्ंयामा प्रहरी परिचलान भए पनि शनिबार बेलुका दूईटा टिप्पर सडकमै फोहोर खन्याएपछि केहिबेर स्थानीयबासी आन्दोलित भएका थिए । उक्त फोहोरलाई पुरेपछि मात्रै स्थानीयले बाटो छोडेको थिए । महानगरमा फोहोर धेरै थुप्रिएकोले फोहोर नियमित रुपमा व्यवस्थापन हुन अझै केहि समय लाग्ने उनले बताएका छन् ।