भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको छ।

पक्राउ पर्नेहरूमा भक्तपुर मध्यपुर ठिमि नगरपालिका ९ का सुरेश भनिने २८ वर्षीय प्रदिप कर्मचार्य, मुगु खत्याड गाउँपालिका ११ घर भई काठमाडौँ बुढानीलकण्ठ नगरपालिका २ बस्ने २४ वर्षीय विशाल कार्की र मुगु खत्याड गाउँपालिका ८ का २१ वर्षीय रामकृष्ण रावत रहेका छन्। काठमाडौँ उपत्यका अपराध अनुसन्धान कार्यालय मीनभवनबाट खटिएको प्रहरीले उनीहरूलाई काठमाडौँबाट पक्राउ गरेको हो।

प्रहरीका अनुसार उनीहरूले सोही नागरिकताको आधारमा सेञ्चुरी तथा कुमारी बैंकमा खाता खोलेको र वैदेशिक रोजगारीमा रसिया पठाई दिने प्रलोभनमा पारी पीडित व्यक्तिको नामबाटै अन्य व्यक्तिलाई ठगी गर्दै आएका थिए।