भक्तपुरपोष्ट संवाददाताभक्तपुर,१ असोज २०७९
भक्तपुर,१ असोज २०७९अछामको तीन स्थानीय तहमा पहिरो जाँदा १२ जनाको मृत्यु भएको छ। प्रमुख जिल्ला अधिकारी विश्वराज मरासेनीलेकमलबजार नगरपालिका, तुर्माखाँद र ढकारी गाउँपालिकामा पहिरोले घर पुरिँदा हालसम्म १२ जनाको शव निकालिएको जानकारी दिए।
उनका अनुसार कमलबजार– ८ मा पाँच जनाको शव निकालिएको छ भने कमलबजार ६ मा चार जनाको शव फेला परेको छ। यस्तै तुर्माखाँद ५ मा दुइ घर पुरिएका छन्। त्यहाँ दुई शव फेला परेको प्रहरीले जनाएको छ। त्यस्तै ढकारी गाउँपालिका ६ मा पहिरोले पुरिएर एकजनाको मृत्यु भएको मरासेनीले बताए।
उनका अनुसार तीनै पालिकामा पहिरोमा पुरिएर अझै ११ जना बेपत्ता भएका छन्। तुरमाखाँदमा ७, कमलबजारमा ३ र ढकारीमा एकजना बेपत्ता छन्।
पहिरोमा परेर ११ जना घाइते भएका छन्। हेलिकप्टरमार्फत उद्धार गरी उनीहरूलाई उपचारका लागि पठाउने तयारी गरेको प्रजिअ मरासेनीले जानकारी दिए।
