बुधबार बिहान नबिल बैंकको शाखा कार्यालयमा आगलागी भएको छ । बाँकेको कोहलपुर नगरपालिका ११ स्थित सो कार्यालयमा आगलागी भएको हो ।

जिल्ला प्रहरी कार्यालय बाँकेका प्रवक्ता एवम् डीएसपी रामप्रसाद घर्तीमगरका अनुसार बिहान ५ः२५ बजे लागेको आगो एक घण्टापछि नियन्त्रणमा लिइएको थियो ।

घरको दोस्रो तलामा आगलागी भएको हो । आगलागीबाट भएको क्षतिको विवरण भने आइसकेको छैन ।

प्रवक्ता घर्तिमगर अनुसार दमकलको सहायताले आगो निभाइएको थियो ।