बधाई र शुभकामनाको नाममा खादा माला र समयको बर्बादी नगर्न नेकपा (माओवादी केन्द्र) का अध्यक्ष प्रचण्डको सचिवालयले सुझाव दिएको छ । अध्यक्ष प्रचण्डलाई जीतको शुभकामना दिने नाममा अनावश्यक भिड्भाड बढेपछि सचिवालयले यस्तो सुझाव दिएको हो ।                                                                                                               अध्यक्ष प्रचण्डका स्वकीय सचिव रमेश मल्लले शुभकामनाका लागि समय ब्यवस्थापन गर्न नसकिने समेत जानकारी गराएका छन् । “आवश्यक छलफल र भेटघाटको लागि भने समय व्यवस्थापन गरिने नै छ ।” भक्तपुर पोस्टसंग उनले भनेका छन् ।निर्वाचन परिणामबाट साघुरिएको माओवादी केन्द्रलाई उकास्न  योगदान नगर्ने तर खादामाला लिएर अध्यक्ष प्रचण्डको ढोकामा पुग्न हतारिने प्रवृत्ति प्रति कार्यकर्ता पङ्तिबाटै असन्तुष्टि आएपछि यसलाई रोक्न सचिवालयले निर्णय गरेको हो । अस्वभाविकरुपले बधाई खान ब्यस्त बनेको भन्दै अध्यक्ष प्रचण्ड र उनका पार्टीका अन्य निर्वाचित जनप्रतिनिधिको समेत आलोचना शुरु भएपछि प्रचण्ड सचिवालय सचेत बनेको बताइएको छ ।                                                        स्वकीय  सचिव मल्लले केही सुझाब भए पार्टी केन्द्रीय कार्यालय र अध्यक्षको निजी सचिवालयको निम्न इमेल ठेगानामा पठाइदिन पनि आग्रह गरेका छन् । [email protected] [email protected]
[email protected]
[email protected]