भक्तपुर, १६ मङ्सिर २०७९ बागलुङमा शिक्षा, विज्ञान तथा प्रविधि मन्त्री देवेन्द्र पौडेलले जनतासँग बाचा गरेका कामहरु आगामी ५ वर्षमा सम्पन्न गर्ने बताएका छन् । बिहीबार ढोरपाटन नगरपालिकाका मतदातालाई धन्यावाद दिँदै उनले ५ वर्षमा जनतासँग बाचा गरेका कामहरु सम्पन्न गर्ने बताएका हुन् ।
“यसअघि गर्न नसकेका कामहरु पनि छन्”, उनले भने, “पहिलेका बाँकी काम र अहिले जनतामाझ गरेका प्रतिबद्धता आगामी ५ वर्षमा क्रमश पूरा गछौं ।”
प्रदेश र संघमा गठबन्धनको सरकार बन्ने बताउँदै बागलुङको विकाशकालागि गठबन्धनका नेतासँग समन्वय गरी कामगर्ने बताए ।उनले भने, “गठबन्धनको सरकार हुँदा जनताका काम गर्न र समन्वयगर्न सजिलो हुन्छ ।”
चुनावपछि जनताको साझाप्रतिनिधि भएको बताउँदै पूर्वाधार विकासमा समान वितरण हुने आश्वासन समेत उनले दिए ।
ढोरपाटन साल्झण्डी सडक, केन्द्रीय प्रशारण लाइन, पक्कीपुल, ढोरपाटनको आलूलाई प्रर्बद्धनलगायतका काम जनताको चाहाना अनुसार नै हुने बताएका हुन् । उनले भने,”जनताका आवश्यकता धेरै छन्, जनताका चाहाना अनुसार विकास गर्छौं ।”