भक्तपुर, १९ मङ्सिर २०७९ ललितपुर क्षेत्र नं ३ मा निर्वाचित सांसद डा. तोसिमा कार्कीले चुनाव जितेपछि आफ़्नजो पबत राजिनामा दिएकी छिन् । राष्ट्रिय स्वतन्त्र पार्टीबाट निर्वाचित भएका उनले आइतबार नेपाल मेडिकल काउन्सिलको सदस्य पदबाट राजिनामा दिएकी हुन् ।
मेडिकल काउन्सिलको सदस्य पदबाट राजिनामा नदिई उम्मेदवार बनेको भन्दै उनी विरुद्ध उजुरी परेपछि निर्वाचन आयोगले उनको उम्मेदवारी खारेज गरेको थियो । तर, सर्वोच्च अदालतले आयोगको निर्णय उल्ट्याउँदै तोसिमाको उम्मेदवारी कायम रहने आदेश दिएको थियो ।
त्यसपछि उनले चुनाव जितेपछि आइतबार काउन्सिलमा आफै उपस्थित भएर राजिनामा बुझाएकी हुन् ।
काउन्सिलका रजिष्ट्रार डा. कृष्णप्रसाद अधिकारीले डा. कार्कीले राजिनामा बुझाएको पुष्टि गरेका छन् । ‘हिजो डा. कार्की आउनुभयो, राजिनामा बुझाउनु भयो र जानुभयो,’ अधिकारीले भने,–‘उहाँ (कार्की)ले बुझाउनु भएको राजिनामा हामीले हिजो नै स्वास्थ्य मन्त्रालयमा फरवार्ड गरिदिएका छौं ।’