भक्तपुर, १२ असार २०८०सराकरको प्रवक्ता एवं सञ्चार तथा सूचना प्रविधिमन्त्री रेखा शर्माले ललिता निवास प्रकरणका संलग्न दोषीहरूलाई उन्मुक्ति नहुने बताएकी छन् ।
मन्त्रिपरिषद् बैठकको निर्णयहरू सार्वजनिक गर्नेक्रममा पत्रकारको जिज्ञासा सम्बोधन गर्दै उनले ललिता निवास प्रकरणका संलग्न दोषीहरूलाई उन्मुक्ति नहुने बताएकी हुन् ।
सरकार भ्रष्टाचार बिरुद्ध अघि बढिसकेको र सुशासनको लागि कुनै कसर बाकी नराख्ने उनले बताइन् । ललिता निवास प्रकरणका अनुसन्धान शुरु भैसकेको र दोषी देखिए जोसुकैलाई नछोड्ने उनले जिकिर गरेकी छन् ।
सरकार ढल्ने वा ढाल्ने कुरा हल्ला मात्र भएको भन्दै उनले सरकार यस्ता हल्लाको पछि नलाग्ने र सुशाअङ्को पक्षमा अविचलित अघि बढिरहने बताइन ।
सरकारले नक्कली भुटानी शरणार्थी प्रकरण पछि ललिता निवास प्रकरणमा अनुसन्धान अघि बधाएपछि राजनीति तात्तिएको छ । यो संगै सरकार ढल्ने चर्चा हुन थालेको छ ।
आजै नेपाल प्रहरीको केन्द्रीय अनुसन्धान ब्युरो (सीआईबी)को टोलीले ललिता निवास प्रकरणमा मालपोत कार्यालय डिल्लीबजारका तत्कालीन प्रमुख कलाधर देउजा, पूर्वनिर्वाचन आयुक्त सुधीरकुमार शाह,भाट्भटेनि सुपरमार्केटका संचालक मिनबहादुर गुरुङ सहित ७ जनालाई पक्राउ गरी अनुसन्धान अघि बढाएको हो ।