भक्तपुरपोस्ट संवाददाता भक्तपुर, ७ साउन २०८०
भक्तपुर, ७ साउन २०८०प्रधानमन्त्रीको सुशासन सल्लाहकार भन्दै ठगी गरेको आरोपमा प्रहरीले दुई जनालाई पक्राउ गरेको छ ।
काठमाडौँ उपत्यका अपराध अनुसन्धान कार्यालयले ठगी कसुरमा दुई जनालाई पक्राउ गरेको एसपी रविन्द्र रेग्मीले जानकारी दिए ।
काठमाडौँको नागार्जुन बस्ने ४४ वर्षीय राजेन्द्रप्रसाद खनाल र २३ वर्षीय विशाल खनाललाई पक्राउ गरिएको हो । उनीहरूलाई आइतबार दिउँसो साढे १ बजे कोटेश्वरबाट पक्राउ गरेको हो ।
उनीहरूले ४५ लाखभन्दा बढी रकम ठगी गरेको र ना ४ च ८६७० नम्बरको जिप लिएर भागेको इलाका प्रहरी कार्यालय दमकमा मुद्दा दर्ता भएपछि काठमाडौँ उपत्यका अपराध अनुसन्धान कार्यालयले आइतवार उनीहरुलाई पक्राउ गरी थप अनुसन्धानका लागि दमक पठाइसकेको बताइएको छ ।