भक्तपुर, १७ साउन २०८०जनयुद्धमार्फत व्यवस्था बदलेर आएको सतारुढ पार्टी नेपाल कम्युनिष्ट पार्टी(माओवादी केन्द्र) का सदस्य ७ लाख ५२ हजार ९ सय ५६ रहेका छन् । पार्टी अध्यक्ष पुष्पकमल दाहाल प्रचण्डले केन्द्रीय समितिको बैठकमा सो तथ्यांक पेश गरेका हुन् ।
अध्यक्ष प्रचण्डका अनुसार सबैभन्दा बढी पार्टी सदस्य बागमती प्रदेशमा रहेका छन् । बागमतीमा १ लाख ४७ हजार ३ सय ५३ सदस्य संख्या रहेको अध्यक्ष प्रचण्डले उल्लेख गरे ।
त्यस्तै कोशीमा ९९ हजार छ सय एक, मधेसमा १ लाख १६ हजार ९ सय ७५ गण्डकीमा ६६ हजार छ सय ८७, लुम्बिनीमा १ लाख १२ हजार ९ सय १०, कर्णालीमा ८५ हजार ७ सय ७४ र सुदूरपश्चिममा ७० हजार ४ सय ८२ सदस्य रहेका उनले बताए ।
माओवादी केन्द्रको सम्पर्क कमिटी १९ हजार ३ सय १३, उपत्यकामा १८ हजार ३ सय २५ र प्रवासमा ५ हजार ५ सय ३७ पार्टी सदस्य रहेको अध्यक्ष दाहालको राजनीतिक प्रतिवेदन मार्फत प्रष्ट पारेका छन् ।
नेकपा (माओवादी केन्द्र) को बुधवारदेखि सुरु केन्द्रीय समितिको चौथो पूर्ण बैठकमा अध्यक्ष दाहालको प्रतिवेदनमाथि १८ नेताले धारणा राखेका केन्द्रीय सदस्य डिपी ढकालले जानकारी दिए । कमलादीस्थित प्रज्ञा–प्रतिष्ठानमा भएको बैठकमा पार्टीलाई पुनःजागृत गर्ने भन्ने विषयमा बहस केन्द्रित रहेको उनले बताए । बैठक भोलि बिहीवार बिहान ११ बजे पुनः बस्ने बताइएको छ ।