भक्तपुर, १८ भदौ २०८०काठमाडौ महानगरका मेयर बालेन साहको बिबादास्पद स्टाटस गायब भएको छ । सामाजिक संजालमा लेखेको स्टाटसले आँफै फन्दामा परेपछि उनले उक्त स्टाटस हटाएका हुन् ।
शनिवार मेयर बालेनले सामाजिक संजालमार्फत ‘सिंहदरबार आगो लगाइदिने’ अभिव्यक्ति राखेपछि उनको आलोचना भएको थियो । महानगरको गाडी नरोक्न र रोके ‘सिंहदरबार जलाइदिने धम्कि दिएका बालेनले सरकार चोर भएको समेत भनेका थिए ।
उनको स्टाटसपछि उनको पत्नी सवार महानगरको गाडी शनिवार ट्राफिकले चेक जाँच गरेको त्यसैको प्रतिक्रिया स्वरुप बालेनले आक्रोश पोखेको समाचारहरु सार्वजनिक भएका थिए । शनिवार बिदाको समयमा सरकारी सवारी पास लिएर मात्र चलाउनुपर्ने नियम रहेको र रातिको समय भएकाले दुरुपयोग भएको हुनसक्ने आशंकाका आधारमा ट्राफिक प्रहरीले चेकजाँच गरेको थियो । सामान्य सोधपुछ गरी पास लिएर हिड्न चालकलाई आग्रह गर्दै ट्राफिक प्रहरीले गाडी छोडीदिएका भएपनि मेयर बालेनको आक्रोश साम्य भएन । उनले आफ्नो महानगरको कुनै पनि गाडी चेक नगर्न चेतावनी दिंदै सोही राति सामाजिक संचालमा आक्रोश पोख्न पुगे ।
सोमबार बिहान भने मेयर साहले उक्त स्टाटस हटाएका छन् । मेयर जस्तो पदमा बसेको र सबैले आशा गरेको युवा नेताले यस्तो स्ट्याटस लेखेको बौद्धिक वर्गले सोकुरा मन पराएन भने सुरक्षाकर्मीलाई हौसला दिनुपर्नेमा उल्टै हेपेको भन्दै कर्मचारीतन्त्र पनि उनी प्रति सन्तुष्ट हुन सकेन । सरकारलाई थाहै नबहेको बिषयमा बिषबमन गर्दा मेयर बालेन उल्टै फन्दामा पर्न पुगे । सरकारले उनलाई कारवाही गर्ने प्रक्रिया शुरु गरेको सामाचार बाहिरीए संगै सोमबार बिहान उनले आफ्नो बिबादित स्टाटस हटाए ।
शनिबार बेलुका बालेनले सामाजिक सञ्जालमा एक विवादास्पद स्टाटस लेखे । ‘आजको लागि केही भएन, भोलिबाट हाम्रो महानगरपालिकाको कुनै पनि गाडी सरकारबाट रोकियो भने सिंहदरबारमा आगो लगाइदिन्छु । याद राख चोर सरकार ।’
उक्त स्ट्याटसको चर्को आलोचना भएपछी मेयर निकट सामाजिक संजालका पेज र प्रयोगकर्ताले बालेन पत्नीले बच्चा डेलिभरीका लागि अस्पताल जान महानगरको गाडी प्रयोग गरेको र बाालेनमा भावनात्मक आवेग उत्पन्न भएको भन्दै प्रतिरक्षा गर्न खोजे । कयौंले गाडी रोकिएकै कारण मृत बच्चा जन्मिएको अफवाह फैलाए । मेयरको सचिवालयले आइतवार बिज्ञप्ती निकालेता पनि गल्ती भएको बारे एक शब्द खर्चिएन ।
काठमाडौ महानगरमा धेरैले आशा र भरोषा गरेका उदाउदै गरेका युवा नेता बालेनले आफ्नो बोलीमा लगाम लगाउन नसक्दा उनको लोकप्रियतामा यसले असर परेको छ ।