भक्तपुर, २६ भदौ २०८०दुवै संविधानसभाका अध्यक्ष एवं पूर्व सभामुख समेत रहेका इलाम २ का निर्वाचित सांसद सुवासचन्द्र नेम्वाङको निधन भएको छ । गएराती उनको हृदयघात बाट निधन भएको हो । उनी प्रमुख प्रतिपक्षी दल नेकपा(एमाले)का उपाध्यक्ष समेत हुन् ।
बालुवाटारस्थित निवासको शौचालयमा राति करिब १ बजेतिर नेम्वाङ बेहोस् अवस्थामा भेटिएपछि परिवार १ः५० बजे त्रिवि शिक्षण अस्पताल पु¥याएको थियो । चिकित्सकहरुले नाडी, मुटुको धडकन र श्वासप्रश्वासको अवस्था चेक गर्दा कुनै पनि नचलेको पाइएपछि मृत घोषणा गरेका थिए ।
नेम्वाङको निधनको खबर पाएपछि प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा ओली, काँग्रेस सभापति शेर बहादुर देउवा लगायतका शीर्ष नेताहरु अस्पताल पुगेका थिए । नेम्बाङ्गको निधनले देशलाई अपूरणीय क्षती पुगेको प्रधानमन्त्री प्रचण्ड लगायतका नेताहरुले बताएका छन् । राष्ट्रपति रामचन्द्र पौडेलले पनि संविधान सभाका अध्यक्ष सुवास नेम्वाङको अप्रत्यासित निधनले आफू मर्माहत भएको बताएका छन् ।
नेम्वाङको शवलाई श्रद्धाञ्जलीका लागि बुधवारसम्म च्यासलस्थित एमाले पार्टी कार्यालय राखिने बताइएको छ ।