उपेन्द्र यादव नेतृत्वको पार्टी जनता समाजवादी पार्टी, नेपाल बिभाजन भै अशोक राई नेतृत्वमा जनता समाजवादी पार्टी (जसपा) निर्माण भएपछि बिकसित राजनीतिले उपेन्द्र यादव नेतृत्वको पार्टी सरकारबाट बाहिरिएको छ भने राई नेतृत्वको पार्टी सरकारमा सामेल भएको छ ।

सोमबार बिहान उपप्रधान तथा स्वास्थ्य मन्त्री उपेन्द्र यादवले पदबाट राजीनामा दिएका छन् । प्रधानमन्त्री पुष्पकमल दाहाल प्रचण्डको सिफारिसमा राष्ट्रपति रामचन्द्र पौडेलले नयाँ पार्टीका प्रदिप यादवलाई स्वास्थ्य तथा जनसंख्यामन्त्रीमा नियुक्त गरेका छन् ।

जनता समाजवादी पार्टी नेपालले सरकारलाई दिएको समर्थन फिर्ता लिएका छ भने राई नेतृत्वको जसपा समर्थनमा उभिएको छ ।

जसपा नेपालबाट विभाजन भएको अशोक राई नेतृत्वको जसपाबाट प्रदिप यादव स्वास्थ्य मन्त्री नियुक्त भएका छन् । जसपाबाट वनमन्त्रीमा नवल किशोर साह सुडी रहेका छन् ।

जसपाले रञ्जु झालाई मन्त्री र सांसद हसिना खान राज्यमन्त्रीमा सिफारिस गरेपनि खानलाई मात्र राज्यमन्त्रीमा नियुक्ति गरिएको छ ।