भक्तपुरपोस्ट संवाददाताभक्तपुर, २८ असार २०८१
भक्तपुर, २८ असार २०८१गएराति पहिरोमा परी २ वटा यात्रुबाहक बस पुरिएका छन् । मुङ्लिन-नारायणगढ सडक खण्डमा पहिरो खस्दा बस पुरिएका हुन् ।
सिमताल भन्ने स्थानमा पहिरोले बस पुरिएको हो । वीरगञ्जबाट काठमाडौ आउँदैगरेको एक बस र अर्को गौर तर्फ जाँदै गरेको बस पुरिएको बताइएको छ ।
चितवनका प्रमुख जिल्ला अधिकारी इन्द्रदेव यादवका अनुसार काठमाडौँबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ आउँदै गरेको एञ्जल बस पहिलोमा पुरिएका र लेदो सहित बगेको पहिरोले गर्दा बस त्रिशूलीमा खसेका छन् ।
गौर जाँदै गरेको बसमा ४१ जना र काठमाडौँ आउँदै गरेको बसमा २४ जना सवार रहेका प्रजिअ यादवले बताए । उद्धार शुरु गरिएको उनको भनाइ छ । थप विवरण आउन बाकी छ ।