भक्तपुर, २८ असार २०८१नेपाली कांग्रेसका प्रमुख सचेतक रमेश लेखकले भ्रष्टाचार नियन्त्रण र सुशासनका लागि काँग्रेक एमाले एक भएका भनेका छन् ।
प्रतिनिधि सभामा प्रधानमन्त्री पुष्पकमल दाहाल प्रचण्डले राखेको विश्वासको मतमाथिको प्रस्तावमा बोल्दै लेखकले भ्रष्टाचार नियन्त्रण र सुशासनका लागि काँग्रेक एमाले एक भएका भनेका हुन् ।
उनले सरकारमा बसेर फाइल खोल्छु भनेर स्टन्ट मात्र गरिएको तर, सुशासन कायम गर्न नसकेको बताए । नयाँ सरकारले सुशासन दिने काम गर्न नयाँ सहमति गरिएको उनले बताए ।
लेखकले संविधान प्रारम्भ भएको आठ बर्षभन्दा बढी समय भएको बताउदै संबिधान प्रारम्भ भए पश्चात यसका राम्रा र नराम्रा पक्ष हेरेर नराम्रा विषयलाई सुधार गर्ने भनेको बताए । उनले अग्रमनका लागि संविधान संशोधन गर्ने स्पष्ट गरे ।
लेखकले नेपालको राजनीतिमा कांग्रेस रहेसम्म समावेशिता कमजोर नहुने दावी गर्दै त्यसमा आशंका व्यक्त नगर्न आग्रह गरे । उनले संविधान छुनै नहुने विषय नभएको उल्लेख गर्दै लेखकले संविधानमा नै १० बर्षमा पुरावलोकन गर्ने विषय उल्लेख रहेको बताएका छन् ।