भक्तपुर, १४ भदौ २०८१मुख्य सचिवको पहिलो दावेदार रहेका सचिव तोयानारायण ज्ञवालीले राजीनामा दिएका छन् । सरकारको पहिलो बरियतामा रहेका सचिव ज्ञवालीले राजीनामा दिएका हुन् ।
राष्ट्रिय योजना आयोगका सचिव ज्ञवालीले दिएको राजीनामा बिहीबार बसेको मन्त्रिपरिषद बैठकले स्वीकृत समेत गरेको छ ।
सचिवहरुमध्ये सबैभन्दा वरिष्ठ भएपनि मुख्यसचिवको दौडमा सरकारले उनलाई पत्याएन । २२ भदौमा अवकाशमा जाँदै गरेका ज्ञवालीले राजीनामा गरेका हुन ।
मुख्य सचिव बन्ने सूचीमा पहिलो नम्बरका ज्ञवाली मात्र होइन, दोश्रो नम्बरका रामकृष्ण सुवेदी र तेस्रो नम्बरका दिनेश भट्टराईलाई पन्छाएर सरकारले चौथो नम्बरको एक नारायण अर्याललाई रोजेको छ ।
गृह सचिव रहेका अर्याल सचिवहरुको वरियतामा चौथो नम्बरमा भएपनि प्रधानमन्त्री केपी शर्मा ओलीको एक नम्बर रोजाइमा परे संगै मन्त्री परिषदले अर्याललाई मुख्य सचिव नियुक्त गर्ने निर्णय गरेको हो ।