काठमाडौंको सिनामंगलस्थित सेन्ट्रल कलेजले हरितालिका तीजको पूर्वसन्ध्यामा विशेष कार्यक्रम सम्पन्न गरेको छ । तीजको दुई दिन अघि बुधवार कलेजमा तीज विशेष कार्यक्रम सम्पन्न भएको हो ।

कलेज अध्यापक र विद्यार्थी सम्मिलित सो कार्यक्रम मनोरन्जनको माध्यम मात्र नभई नेपाली मौलिक पर्वको संरक्षण र संवर्द्धनमा समेत सहयोगी हुने सेन्ट्रल कलेजले जनाएको छ । यसका लागि इभेन्ट क्लव नै बनाएर कलेजले काम गरिरहेको बताइएको छ ।

कलेजका सहायक प्राचार्य गणेश बुढाथोकीले यस्ता कार्यक्रमले विद्यार्थी र कलेजबीच अपनत्व, प्रेम र लगाव बढ्ने बिश्वास व्यक्त गरेका छन् । त्यसैगरी कलेजले सबै पर्वहरुलाई समान महत्वका साथ् मनाउदै आएको बताउदै कलेजका प्राचार्य पारस श्रेष्ठले यसले विद्यार्थी वर्गलाई धार्मिक सहिष्णुता र सह अस्तित्वको पाठ समेत सिकाउने दावी गरे ।

सो अवसरमा विद्यार्थीहरुले तीजसंग सम्बन्धित सास्कृतिक प्रतिभा प्रस्तुत गरेका थिए भने तीजको महत्व र विशेषताबारे काउन्सिलर विनोद कुमार अधिकारीले प्रकाश पारेका थिए । कार्यक्रममा तीजको मौलिकतालाई मास्न नहुने आवश्यकता औल्याउदै पछिल्लो समय देखा परेका बिकृती र विसंगती बिरुद्ध शिक्षक तथा विद्यार्थीले समाजमा सचेतना फैलाउनुपर्नेमा जोड दिइएको थियो ।