News Portal

  •  शे-फोक्सुण्डोका अधिकृतमाथि नेकपाले यसरी गर्‍यो कारवाही, हेर्नुहोस् ४ कारणसहित

    इमान्दार संवाददाता
    १२७७ पटक

    जीवन बोहोरा, डोल्पा ।

    डोल्पास्थित शे-फाेक्सुन्डाे राष्ट्रिय निकुञ्जका अधिकृतमाथि नेकपाले कारवाही गरेको छ ।

    बिगत ४ बर्षदेखि राष्ट्रिय निकुञ्ज भित्र कब्जा गरिएका महत्वपुर्ण जडिबुटी राजश्वमा दाखिला नगरी कमिसनमा विक्रिवितरण गर्न लगाएर कराेडाैं कुम्ल्याएकाे भन्दै नेकपा डोल्पाले शुक्रबार बिहान ११ बजेतिर अधिकृत रामदेव चौधरीमाथि कालोमोसो दलेको हो ।

    यार्सागुम्बा संकलन समयमा निकुञ्जको नियम विपरीत ठेकेदारलाई रसिद बितरण गरेकाे अार्थिक स्पष्टता प्रष्ट नपारी गैरकानुनी तवरले ब्यक्तिवाद लागू गरि काम गरेकाे भन्दै जनताहरूले बारम्बार गुनासाे गरेपछि नेकपाले चेतावनीस्वरुप उक्त कारवाही गरेको जनाएको छ ।

    निकुञ्ज भित्रका टेन्डर सार्वजनिक नगरी अान्तरिक मिलाेमताेमा कमिसन खादै अाएकाे, निकुञ्ज भित्रका विविध तहका कर्मचारीमाथि शारीरिक,मानसिक र श्रम शोषण समेत गर्दै अाएकाे भन्दै कारवाही गरेकाे नेकपाले जनाएकाे छ ।

    चौधरीमाथिको कारवाही अनियमितता गर्ने, भ्रष्टचारी, कमिसनखोर र सबै दलालहरुका लागि पनि चेतावनी भएकोले अन्य इमान्दार कर्मचारी र जनताहरूलाई भने उत्साहित हुन् नेकपाले अपिल गरेको छ ।

    शुक्रबार नेकपा डोल्पाका जिल्ला सेक्रेटरी राजेशले एक विज्ञप्ति जारी गर्दै भनेका छन्,- ‘यो कारवाही डोल्पा जिल्लाको समग्र विकास र सुशासनका क्षेत्रमा गलत नियत भएका मानिसहरुलाई सच्याउन जनपक्षीय विकासको पक्ष हो ।’

    सेक्रेटरी राजेशले नेकपाले सञ्चालन गरेकाे जनविरोधी, भ्रष्टचारी, कमिसनखोरी एवं राष्ट्रघातीहरुमाथिको जनकारवाही अभियानलाई सहयोग गर्न पनि सबैमा अपिल गरेका छन् ।

    नेकपाले अधिकृत चौधरीको कार्यालयमै पुगेर उनीमाथि कालोमोसो दलेको हो ।

    चौधरीमाथि कारवाही गर्नुका ५ कारण

    १) शे फाेक्शुन्डाे राष्ट्रिय निकुञ्जभित्र कब्जा गरिएका महत्वपुर्ण जडिबुटी राजश्वमा दाखिला नगरी बिक्रि गर्न लगाएर कमिसनमा खाने गरेकोले ।
    २) यार्सागुम्बा संकलनका समयमा निकुञ्जको नियमविपरीत ठेकेदारलाई रसिद बितरण गरी तथा अार्थिक स्पष्टता नगरि गैरकानुनी तवरले ब्यक्तिवाद लागू गरेकाेले ।
    ३)  निकुञ्ज भित्रका टेन्डर सार्वजनिक नगरी अान्तरिक मिलाेमताेमा कमिसन खादै अाएकाेले।
    ४) निकुञ्ज भित्रका विविध तहका कर्मचारी माथि शारीरिक,मानसिक र श्रम शोषण गर्दै अाएकाेले।

    हेर्नुहोस् विज्ञप्ति

    प्रतिकृया दिनुहोस्

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए प्रअ महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...