News Portal

  • शिक्षासम्बन्धी मौलिक हक कागजमा सीमित हुँदैन, पाँच महिना पर्खनुस : मन्त्री पोखरेल

    इभक्तपुर संवाददाताभक्तपुर, १२ चैत
    ७७० पटक
    भक्तपुर, १२ चैत

    शिक्षा, विज्ञान तथा प्रविधि मन्त्री गिरिराजमणि पोखरेलले नागरिकका शिक्षासम्बन्धी हक कागजमा सीमित नहुने दावी गरेका छन । संविधानमा मौलिक हकको रुपमा रहेको शिक्षासम्बन्धी हक व्यवहारमै लागू हुने उनले दावी गरेका हुन् ।
    अखिल क्रान्तिकारीले सानोठिमीमा आफ्ना बिद्यार्थी नेताहरुको लागि आयोजना गरेको एक प्रशिक्षण कार्यक्रममा बोल्दै मन्त्री पोखरेलले पाँच महिनाभित्र नागरिकले शिक्षासम्बन्धी मौलिक हकको प्रत्याभूति पाउने प्रतिबध्दता प्रकट गरे ।
    ”संविधानमा मौलिक हकको रुपमा रहेको शिक्षासम्बन्धी हक देखाउनका लागि होइन , व्यवहारमा लैजानको निम्ति हो । पाँच महिनाभित्र शिक्षासम्बन्धी मौलिक हक कार्यान्वयन गर्नका लागि ऐन निर्माणको काम गरिसक्ने प्रतिबद्धता व्यक्त गर्दछु । ” उनले भने ।

    मन्त्री पोखरेलले आफुले पंचायतकालीन शिक्षा ऐनलाई संसोधन गर्दै समाजबाद उन्मुख बनाएको स्मरण गर्दै अवको आफ्नो अर्जुन दृष्टि शिक्षाबाट सम्वृद्धि तर्फको हुने जिकिर गरे । शिक्षा जागिर खाने मापदण्डको रुपमा मात्र नभएर बिकाश र समृद्धिको श्रोत भएको भन्दै पोखरेलले शिक्षालाई राष्ट्र निर्माण को साधन बनाउने बताए ।
    “जागिरलाई केन्द्रमा राखेर अब शिक्षा नीति नियमसमेत बन्दैन । शिक्षालाई जागिरे मानसिकताबाट टाढा राखेर गरिखान सक्ने शिक्षाको व्यवस्था गरिन्छ ।”, उनले भने ।

    शिक्षक संगठनमाथि आक्रामक भएका मन्त्री पोखरेलले राजनीतिक पार्टी पिच्छेका शिक्षक संगठन खारेज गर्नुपर्ने धारणा समेत राखेका छन । शिक्षक महासंघमार्फत शिक्षकको पेशागत हक अधिकार सुनिश्चित हुनसक्ने भन्दै पोखरेलले नेता बन्ने उदेश्य भए शिक्षक पद छोड्नुपर्ने जिकिरसमेत गरे ।

    बिद्यार्थीहरु देशको भविश्य भएको भन्दै मन्त्री पोखरेलले देशलाई समाजबाद तर्फ डोहोर्याउन अगुवाई गर्न आह्वान समेत गरे । कार्यक्रममा अखिल (क्रान्तिकारी)का अध्यक्ष रञ्जित तामाङले समाजवादी शिक्षाको आधार खडा गर्नुपर्ने भन्दै समाजबाद आफुहरुको सपना भएको र यस्कोलागि जस्तोसुकै योगदान गर्न समेत तयार रहेको बताएका थिए ।

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...