News Portal

  • सम्पादकीय : विद्यार्थी भर्नामा सरकारको ब्रेक थ्रु, आउनुस् सक्नेले नसक्नेको हात समाअाैं

    संजीप शुभचिन्तकभक्तपुर, २ बैशाख
    ६९५ पटक
    भक्तपुर, २ बैशाख

    बिकाशको पहिलो सूचककोरुपमा रहेको शिक्षामा सरकारले भरपूर प्राथमिकताको प्रयास गरेको छ । बैशाखदेखि शुरु हुने बिद्यार्थी भर्ना अभियानलाई तामझामको बिषय मात्र नबनाएर सरकार परिणाम केन्द्रित देखिएको छ ।

    आइतवार शिक्षा, विज्ञान तथा प्रविधी मन्त्री गिरीराजमणि पोखरेलले भर्ना अभियानमा ब्रेक थ्रु गर्दै बैशाख ५ गतेलाई भर्ना दिवसकैरुपमा मनाउने उद्घोष गरेका छन । मन्त्रालयमा आयोजित पत्रकार भेटघाट कार्यक्रममा उनले उक्त उद्घोष गरेका हुन् ।

    भर्ना अभियानलाई औपचारिकतामा सिमित नराख्दै राष्ट्रिय पर्वकै रुपमा लिइएको यो पहिलोपटक हो ।

    २०६१ सालदेखि शिक्षा मन्त्रालयले भर्ना अभियान शुरु गरेको भएतापनि अझै करीब ३ प्रतिसत प्राथमिक तह पढ्ने उमेरका बालबालिका विद्यालयको आगनसम्म आउन सकेका छैनन । संख्यामा भन्नुपर्दा गतबर्ष पनि प्राथमिक उमेर समूहका ८८ हजार २ सय ७ बालबालिकाले विद्यालयको आगन टेक्न पाएका छैनन् ।

    बर्तमान सरकार यस्ता विद्यालयको पहुँचबाट टाढा रहेका बालबालिकालाई बिद्यालय भर्ना गर्न सक्दो प्रयासमा जुटेको छ । पहुँचभन्दा बाहिर रहेका बालबालिकालाई विद्यालयभित्र ल्याउन सरकारले विशेष योजना बनाएको छ ।

    ‘एक बच्चाको भर्ना मेरो सामाजिक दायित्व, पहुँचको सुनिश्चितता र सिकाइमा स्थायित्व’ भन्ने नाराका साथ यतिबेला देशव्यापीरुपमा सरकारले भर्ना अभियान चलाइरहेको छ । सरकारको एकल प्रयासले मात्र नहुने भन्दै आम नागरीकलाई नै बिद्यालयसम्म पहुँच नपुगेका बालबालिकालाई बिद्यालय प्रवेश गराउन आह्वान गर्दै संचालित यो अभियान यतिबेला सरकारसंग मात्र नभई आम नागरिकसंग जोडिन पुगेको छ ।

    शिक्षाबाट बञ्चित विपन्न, गरिव, सीमान्तकृत, लोपोन्मुख वा पिछडिएका वर्ग क्षेत्र र समुदायका एक जना बच्चालाई स्टेशनरी, पोसाक र दिवा खाजाको प्रवन्ध गरी स्वच्छिक अभिभावकत्व ग्रहण गर्न मन्त्री गिरिराजमणि पोखरेलले सबैमा आग्रह समेत गरेका छन् ।

    शनिवार प्रधानमन्त्री केपी शर्मा ओलीले मुगुका ठिन्ले साँवु लामाको जिम्मेवारी लिदै बिद्यालय भर्ना गराएर अभियानको शुभारम्भ गराइसकेका छन् । रक्षामन्त्री इश्वर पोखरेलले सुर्यदेवी रोकाय, परराष्ट्रमन्त्री प्रदीप ज्ञवालीले गुल्मीको छत्रकोट– ५ खज्र्याङकी अस्मिता परियार, संस्कृति पर्यटन तथा नागरिक उड्ययनमन्त्री रविन्द्र अधिकारीले पुन्नबहादुर कुमाल, पुर्व सभामुख सुवाशचन्द्र नेम्वाङले विनिता नेपाली र मन्त्री पोखरेलले कर्मा याङजिङको एसइइसम्मको पढाई खर्च व्यहोर्ने घोषणा गरेका छन् ।

    सरकारले गरेन भनेर नथाक्ने शिक्षाविद, शिक्षाप्रेमी, शैक्षिक अभियन्ता र सचेत बर्गकै हातमा भर्ना अभियानको हलो समाइदिएर सरकारले यतिबेला सामाजिक उत्तरदायित्व बोध गराएको छ भने नागरिक समाजसंगे हातेमालो गर्दै शैक्षिक फड्को मार्ने संदेश पनि दिन सफल भएको छ ।

    यस पटकको भर्ना अभियान बिगत १३ बर्षदेखिको निरन्तरताको रुपमा रहेको छैन , यसमा सबै सचेत जनताको सहभागीताको लागि सरकारले आह्वान गरिसकेकोले यो जनतासंग जोडिएको छ । सामाजिक दायित्व बहन गर्ने अवसरबाट भाग्ने छुट कसैलाई पनि नभएको मन्त्रालयका सचिव खगराज बरालले इभक्तपुरसंग बताएका छन् ।

    इभक्तपुरसंग कुरा गर्दै शिक्षा विभागका महानिर्देशक बाबुराम पौडेलले यो बर्ष नै विद्यालयको पहुँचमा नरहेका सबै बालबालिका बिद्यालय आउने बाताबरण बन्ने बताएका छन् । ”शिक्षाप्रेमीहरुले बिद्यालय सम्म पहुँच नपुगेका बालबालिकाको अपनत्व लिन शुरु गरिसक्नुभएको छ , देशव्यापी रुपमा देखिएको यो लहरबाट हामी उत्साहित छौ । मलाइ लाग्छ यो बर्ष सबै भर्ना योग्य बालबालिका बिद्यालय पुग्छन् ।” महानिर्देशक पौडेलले बिश्वास व्यक्त गरे ।

    बास्तवमै भन्ने हो भने केहि हजार हातहरुले डोहोर्याउने हो भने मात्र पनि बिद्यालय जानबाट बन्चित सबै बालबालिका बिद्यालय पुग्न सक्छन् । शिक्षाप्रेमी जनताहरुको लागि यसपटक सरकारले भर्ना अभियानमा पहुँच बाहिर रहेका बिद्यार्थी भर्ना गराउने अवसर मात्र दिएको छैन, एक अग्नि परीक्षा समेत खडा गरिदिएको छ । यदि यो बर्ष पनि बालबालिका बिद्यालय बाहिर भए भने सरकारलाई औला उठाउने नैतिक आधार नरहने प्रति पनि शिक्षाप्रेमीहरु सचेत बन्नु पर्ने देखिएको छ ।

    अन्तमा, इभक्तपुरको तर्फबाट हामी हाम्रा आदरणीय पाठकहरुमा सरकारले आह्वान गरेको भर्ना अभियानमा सहभागी हुन् अनुरोध गर्दछौ । तपाईको नजिक छरछिमेकमा वा तपाईले देखेको कतैपनि बालबालिका विद्यालयको पहुँचमा पुग्न सकेका छैनन् भने उनीहरुलाई विद्यालयको पहुँचमा पुर्याउनु तपाईहाम्रो पनि सामाजिक उत्तरदायित्व हो । तपाईले आज आफ्नो सम्झेर शिक्षाको उज्यालो देखाउने बालबालिकाले भोली देशलाई उज्यालो बनाउन सक्छ । परिवारवादबाट माथि उठेर राष्ट्रबादको तर्फ पाइला बढाअाैं, सक्नेले नसक्नेलाई विद्यालयको पहुँचमा पुर्याअाैं ।

    प्रतिकृया दिनुहोस्

    साझा मुद्राको अवधारणा बारे प्रस्ताव अघि सारेको गभर्नर अधिकारीको जिकिर

    नेपाल राष्ट्र बैंकका गभर्नर महाप्रसाद अधिकारीले दक्षिण एसियाको साझा मञ्चमा आफूले साझा मुद्राको अवधारणा बारे...

    प्रस्तावित ठाउँमै विमानस्थल बनाइने छःप्रधानमन्त्री देउवा

      प्रधानमन्त्री शेरबहादुर देउवाले कम क्षतिमा निजगढमै अन्तर्राष्ट्रिय विमानस्थल बनाउने बताएका छन्। उनले अहिले प्रस्तावित...

    सुचनाको हक र सकारात्मक सोच विषयक अन्तरक्रिया कार्यक्रम सम्पन्न

    आज (शनिबार) भक्तप्रको राधेराधे स्थित रोयल थाइ हस्पितालिटी होटलमा सुचनाको हक र सकारात्मक सोच विषयक...

    अनेसासको वरिष्ठ उपाध्यक्ष पदमा सुप्रसिद्ध कवि लालगोपाल सुवेदीको उम्मेद्वारी

    अन्तर्राष्ट्रि« नेपाली साहित्य समाज –अनेसास) को आगामी कार्यकाल २०२२–२०२४ का लाग साहित्यकार सुप्रसिद्ध तथा सर्वप्रिय...

    रवि लामिछानेको राष्ट्रिय स्वतन्त्र पार्टी आयोगमा दर्ता

    रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । पूर्व सञ्चारकर्मी रवि...