News Portal

  • माधब नेपाललाइ ओलीको बचन:अबको अध्यक्ष तपाई नै हो ।

    ४ वैशाख
    ११७७ पटक
    ४ वैशाख

    काठमाडौं,  । एमाले र माओवादी केन्द्रबीच दुई अध्यक्षबीच बराबरी हैसियतमा जिम्मेवारी लिने सहमति भयो । त्यही सहमतिअनुसार नै असोज १७ गते गरिएको सहमतिमा ओली र प्रचण्ड एकता संयोजन समितिको मूख्य नेतामा राखियो ।

    ओली र प्रचण्डबीच भएको सहमतिमा प्रधानमन्त्री र पार्टी अध्यक्षमा अढाई वर्षका दरले आलोपालो गर्ने सहमति थियो । त्यही सहमतिअनुसार फागुन ३ गते ओली प्रधानमन्त्रीमा निर्वाचित भए ।

    सहमति अनुसार ओली प्रधानमन्त्री र सेरोमोनियल अध्यक्ष हुने, प्रचण्ड कार्यकारी अध्यक्ष हुने र महाधिवेशनबाट प्रचण्डलाई पार्टी अध्यक्ष बनाउन दुवै पार्टीका नेताहरु मञ्जुर भएका थिए ।

    एक वर्षभित्र एकता महाधिवेशन गरेर सहमतिमै प्रचण्डलाई पार्टी अध्यक्ष बनाउने सहमति भए पनि प्रधानमन्त्री ओलीको दोहोरो भूमिकाले यतिबेला प्रचण्ड सशंकित छन् ।

    स्रोतका अनुसार पार्टी एकताको प्रारम्भिक सैद्धान्तिक आधारको सहमति पत्रमा हस्ताक्षर गर्नुअघि एमाले बरिष्ठ नेता माधव कुमार नेपालले ‘तपाईहरुको मात्र व्यवस्थापन भएर हुन्छ, हाम्रो हुनु पर्दैन’ भनेर प्रश्न गरेका थिए । त्यसपछि ओली र माधव नेपालबीच करीब ४ घण्टा वान टु वान बार्ता भएको थियो ।

    बार्तामा ओलीले ‘अहिले एकता गरिहाल्यौं, एकतापछि तपाई हामी छँदै छौं नि । एकता मात्र हुन दिनुस्, महाधिवेशनमा अध्यक्ष तपाई नै हो’ भनेको माधव नेपालनिकट नेताहरुले अनौपचारिक कुराकानीमा भन्ने गरेका छन् ।

    ओली र नेपालको सहमतिअनुसार नै एमालेभित्र विवाद समाधान भएको र माधव नेपाल नै छिटै एकता गरौं भन्दै प्रचण्डलाई दवाव दिन थालेपछि प्रचण्ड सशंकित भएका हुन् । एकताको पक्षमा देखिएका बामदेव गौतम मौन बस्दा पनि प्रचण्डको मनमा चिसो पस्न थालेको छ ।

    ओलीले एकता गरिहाल्यौ, त्यसपछि बहुमतको बलमा पेलौला भन्ने मानसिकता बोक्दा एकतामा समस्या आएको माओवादी नेताहरुको दावी छ । माओवादीका एक स्थायी समिति सदस्य भन्छन्, ‘प्रधानमन्त्री र पार्टी अध्यक्ष बाँडफाँड गर्ने सहमति लागू भएन । सहअध्यक्षमा जाने प्रस्ताव आयो । फेरि माधव नेपाललाई आश्वासन दिइएको छ । हामीले एमालेबाट कतिपटक धोका खानुपर्ने ? कति त्याग गर्नुपर्ने ? वचनको पक्का नभएसम्म एकता हुँदैन ।’

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...