News Portal

  • बराबरीको अडानबाट प्रचण्ड ब्याक , ओलीलाई आनन्द

    इभक्तपुर संवाददाताकाठमाडौं, १० बैशाख
    ११८७ पटक
    काठमाडौं, १० बैशाख

    काठमाडौँ, वैशाख १० गते । एमालेसँगको एकीकरणमा बराबरीको अडान राखेको नेकपा (माओवादी केन्द्र) त्यसबाट पछि हटेको छ । माओवादी नेताहरूले बराबरीको सट्टा एमालेसँग सम्मानजनक एकीकरण हुनुपर्ने प्रस्ताव गरेका छन् । एकीकृत पार्टीमा कुन दलको कति सदस्य रहने भन्ने विवादका बीच माओवादी केन्द्रले एकताको आधार ‘सम्मानजनक’ हुनुपर्ने प्रस्ताव गरेको हो । माओवादी केन्द्रका अध्यक्ष पुष्पकमल दाहाल ‘प्रचण्ड’ निवास खुमलटारमा एकताको विषयमा छलफल गर्न बैठक बसेको थियो ।

    एकता अङ्क गणितका आधारमा होइन, सम्मानजनक हुनुपर्छ भन्ने हिसाबले बैठकमा छलफल भएको माओवादी नेता विश्वनाथ साहले बताउनुभयो । बैठकमा अध्यक्ष प्रचण्डले एकता हुँदा दुईचार पद तलमाथि हुनसक्ने बताएका थिए । दुई पार्टीबीच एकीकरण गर्ने सहमतिसँगै भएको चुनावमा एमालेले ६० प्रतिशत सिट र माओवादीले ४० प्रतिशत सिटमा चुनाव लडेका थिए । एमालेले अहिले एकीकरण प्रक्रिया पनि यही बाँडफाँटमा हुनुपर्ने प्रस्ताव गरेको छ भने माओवादी केन्द्रले ६०/४० को हिसाब चुनावका लागि मात्रै भएको दाबी गर्दै बराबरीको अडान राखेको थियो ।

    माओवादी अध्यक्ष प्रचण्डले एकता संयोजन समितिको बैठक र त्यसपछि एमाले अध्यक्ष केपी शर्मा ओलीसँग तीन दिन लगातार भएका छलफलका विषयलाई बैठकमा ‘ब्रिफिङ’ गरेका थिए । एकताका लागि प्रधानमन्त्री ओली सकारात्मक रहेको र यसलाई चाँडै टुङ्ग्याउनुपर्ने पक्षमा रहनुभएको पनि अध्यक्ष प्रचण्डले बैठकमा बताए ।

    माओवादी प्रवक्ता पम्फा भुसालले कार्यदलले प्रस्तुत गरेको प्रतिवेदनमाथि एकता संयोजन समिति र अध्यक्षद्वयको बीचमा व्यापक छलफल हुन बाँकी रहेकाले दुई पार्टीको एकताका लागि अझै केही समय लाग्ने बताए ।
    प्रवक्ता भुसालले गृहकार्यका लागि केही समय लाग्ने भएकाले एकताको मिति ठ्याक्कै तोक्न नसकिनेसमेत बताए । उहाँले छलफलपछि दुई पार्टीका अध्यक्षको सहमतिमा एकताको मिति तोकिनेसमेत बताए ।
    दुई फरक धारका पार्टीबीच एकीकरण हुन लागेको र त्यसमा हतारिन नहुने धारणा अध्यक्ष प्रचण्डले बैठकमा राखेको समेत प्रवक्ता भुसालले जानकारी दिईन । “दुवै पार्टीका नेता, कार्यकर्ता र जनताको भावना र राष्ट्रिय आवश्यकताअनुसार पार्टी एकता हुन्छ र त्यो सिद्धान्तनिष्ठ, समानता, सम्मानजनक र न्यायोचित आधारमा हुन्छ”, अध्यक्ष प्रचण्डले बैठकमा भने ।
    एकीकरण प्रक्रियामा जनयुद्ध शब्दमा खासै विवाद नरहेको नेता साहले जानकारी दिए । पार्टी विधानको प्रस्तावनामा जनयुद्ध शब्द राख्न एमाले सकारात्मक भएको बताउँदै त्यसलाई कसरी राख्ने भन्ने विषयमा छलफल हुन बाँकी रहेको नेता साहले जानकारी दिए । उनले चुनाव चिह्नको विषयमा पनि खासै समस्या नरहेको बताए ।

    प्रतिकृया दिनुहोस्

    गठबन्धनबाट भक्तपुरको २ प्रदेश क्षेत्र माओवादी केन्द्रले पाउने सचिव पोख्रेलको खुलासा

    बागमती प्रदेश सभाका लागि भक्तपुरमा गठबन्धनबाट  माओवादी केन्द्रले उम्मेदवारी पाउने पार्टी सचिव लीलामणि पोख्रेलले खुलासा...

    दशैंमा सार्वजनिक यातायात ब्यवस्थापनका लागि भक्तपुरको विशेष योजना

    भक्तपुरमा सार्वजनिक यातायातलाई व्यवस्थित बनाउन गुनासो सुन्ने र समाधान गर्ने उदेश्यले यात्रु सहायता कक्ष संचालन...

    संविधानको रक्षा नै वर्तमान सरकारको प्रमुख उपलब्धी

    durlabh thapa

    पूर्व उपप्रधानमन्त्रीसमेत रहेका नेपाली काँग्रेसका नेता प्रकाशमान सिंहले वर्तमान सरकारले संविधानको रक्षा गरेको दावी गरेका...

    आतंक सिर्जना गर्ने समूह नसमातिएको विरोधमा प्रदर्शन

    pradarsan

    नेकपा(एकीकृत समाजवादी) का भक्तपुर जिल्ला अध्यक्ष श्याम सुन्दर बस्नेतको घरमा पुगी परिवारलाई आतंकित पार्ने समूह...

    प्रेस सेन्टरको उपत्यका प्रदेश महासचिवमा रोजिना थापा

    rojina

    नेकपा(माओवादी केन्द्र) को शुभेच्छुक पत्रकार संगठन प्रेस सेन्टर नेपालले आफ्नो उपत्यका प्रदेशको महासचिवमा रोजिना थापालाई...