News Portal

  • घिमिरे र श्रेष्ठको इजलासले फैसला उल्टाएपछि मेयर कुशवाहलाई जन्मकैद, काठमाडौंबाट समातिए

    इभक्तपुर संवाददाताभक्तपुर, २७ बैशाख
    ४६६ पटक
    भक्तपुर, २७ बैशाख

    हिन्दु युवासंघ पर्साका संस्थापक अध्यक्ष काशीनाथ तिवारीको हत्या अभियोगमा मेयर पक्राउ परेका छन् । रौतहट जिल्ला कटहरिया नगरपालिकाका हत्या आरोपी मेयर सियाराम कुशवाह (फिरोज) पक्राउ परेका हुन् ।

    तिवारीको हत्यामा दोषी ठहर भएका कुशवाहालाई सिआइबीको टोलीले काठमाडौंको तिनुकुने बाट पक्राउ गरेको छ। उनलाई जिल्ला अदालतले सफाई दिएको भएतापनि उच्च अदालतले दोषी ठहर गरेपछि पक्राउ गरिएको हो ।

    हिन्दु यूवा संघका संस्थापक काशिनाथ तिवारीको हत्यामा दोषी ठहर गर्दै उच्च अदालत जनकपुर, अस्थायी इजलास वीरगञ्जले कुशवाहलाई जन्मकैदको फैसला सुनाएको थियो ।

    पर्सा जिल्ला अदालतले कुशवाहालाई सफाई दिएपछि स्वर्गिय तिवारीकी श्रीमती बवितादेवि तिवारीले पुन जाहेरी दिएकी थिइन। उनकै जाहेरीका आधारमा उच्च सरकारी वकिलको कार्यालय वीरगञ्जबाट दायर भएको पुनरावेदन उपर उच्च अदालतको वीरगञ्ज अस्थायी इजलासका न्यायाधिशद्वय लेखनाथ घिमिरे र नारायणप्रसाद श्रेष्ठको संयूक्त इजलासले गत फागुन २८ गते मेयर कुशवाहलाई जन्मकैदको फैसला गरेको थियो ।

    फैसलापछि बवितादेविले देशमा न्याय नमरेको र आफूले ढिलै भएपनि न्याय पाएको भन्दै खुशी व्यक्त गरेकी थिइन् भने मेयर कुशवाहले आफूलाई अदालतको फैसलाबारे कुनै जानकारी नभएको बताएका थिए ।

    पर्सा जिल्ला अदालतबाट आफूले सफाई पाइसकेकोले र उच्च अदालतको फैसला चित्त नबुझे सर्वोच्च जाने बाटो खुल्ला भएको उनको बिश्वास थियो ।

    तर, दशवर्ष भन्दा बढि सजाय तोकिएका दोषीले मुद्दाको पूनरावेदन गर्नका लागि पनि थुनामै बस्नुपर्ने कानुनी व्यवस्था रहेकोले उनले थुनामै रहेर बाँकी सर्बोच्चको यात्रा तय गर्नुपर्ने भएको बताइएको छ ।

    हिन्दु युवा संघका तत्कालीन अध्यक्ष काशीनाथ तिवारीको २०६७ साल असार १२ गते साँझ वीरगन्जको अशोकवाटिका स्थित शिवपार्वती मन्दिर परिसरमा गोली हानी हत्या गरिएको थियो ।

    प्रहरीका अनुसार, मोटरसाइकलमा सवार भइ मन्दिरमा पुगेका सियाराम कुशवाहा र बाराको हरैयाका अमन प्रसाद कुशवाहा मध्ये सियारामले पेस्तोल चलाएर तिवारीको हत्या गरेका थिए।

    हत्या पछि फरार रहेका सियारामलाइ प्रहरीले तिवारीको हत्या भएको साढे तीन वर्ष पछि २०७० साल पुष १ गते चितवनको भण्डाराबाट पक्राउ गरेको थियो।

    जिल्ला अदालत पर्साले निर्दोष रहेको भन्दै सफाइ दिएपछि उनी पक्राउ परेको एक महिनापछि रिहा भएका थिए ।

    प्रतिकृया दिनुहोस्

    रहेनन् पूर्व सांसद एवं साल्ट ट्रेडिङका अध्यक्ष मानन्धर

    काठमाण्डौं । साल्ट ट्रेडिङ कर्पोरेसनका अध्यक्ष एवम् नेपालका चर्चित उद्योगी लक्ष्मीदास मानन्धरको निधन भएको छ ।...

    जोरबिजोर नियम अनुसार सवारी चलाउन सिडिओ शर्माको आदेश

    rudra sharma

    काठमाडौँ उपत्यकाभित्र चल्ने यातायातमा जोरबिजोर प्रणाली लागू गरिएको छ । कोभिड नियन्त्रणका लागि भन्दै प्रमुख...

    समाजवादी प्रेस संगठन भक्तपुरको अध्यक्षमा कार्की, सचिवमा चौलागाईं

    नेपाल कम्युनिष्ट पार्टी (एकीकृत समाजवादी) निकट समाजवादी प्रेस संगठन नेपाल भक्तपुरको नेतृत्वमा पत्रकार दिनेश कार्की...

    जाँतोलाई भन्दा हातोलाई सकसक

    लोकतन्त्रको आधारस्तम्भ आवधिक निर्वाचन हो । तर, आवधिक निर्वाचन गर्नु मात्रै सबै कुरा भने होइन...

    भक्तपुर युनाइटेड भयो लिग च्याम्पियन

    भक्तपुर युनाइटेड फुटबल क्लब जिल्ला लिग फुटबल-२०७८ को च्याम्पियन बनेको छ । भक्तपुर जिल्ला फुटबल...