काठमाडौं– भारतीय प्रधानमन्त्री नरेन्द्र मोदीले जनकपुरधामको यात्राले विशेष महत्व राख्ने बताएका छन् । जनकपुर धामको यात्रा गर्ने आफ्नो धेरै पूरानो इच्छा भएको जनाउँदै मोदीले आफ्नो लागि यस भ्रमणको विशेष महत्व रहेको जनाएका हुन् । जानकी मन्दिरमा पुजा गरिसकेपछि मोदीले आगन्तुक पुस्तिकामा हस्ताक्षर गर्दै जनकपुरवासी र सवै नेपालीको शान्ति प्रगती र समृद्धिको शुभकामना दिएका छन् । साथै मोदीले स्वागतको लागि जनकपुरवासी र नेपाल सरकारलाई आभार व्यक्त गरेका छन् ।