काठमाडौँ, ३१ बैशाखकाठमाडौँ, वैशाख ३१ गते । सर्वोच्च अदालतको फैसला नै नक्कली भएको पाइएको छ । लागू औषध मुद्दामा थुनामा रहेका एक व्यक्तिलाई नक्कली फैसला बनाई छुटाउने प्रयास भएको पाइएको हो ।
यस्तो छ घटना
काभ्रेका सुनिल तामाङ सर्वोच्चले २०६९ सालमा तोकेको दुई वर्ष कैद सजाय भोगिरहेका छन । उनको कैद एक वर्ष घटाइएको फैसलाको प्रतिलिपि वैशाख २० गते कारागार कार्यालय जगन्नाथदेवलमा पु¥याइएको थियो ।
कारागार प्रशाशनलाई यस फैसलामा आशंका पैदा भयो । काभ्रे नमोबुद्धकै नानु तामाङले उक्त फैसलाको प्रतिलिपि कार्यालयमा पु¥याएका हुन् ।
एक पृष्ठको प्रतिलिपिमा दुई न्यायाधीशको हस्ताक्षर थियो । जसमा न्यायाधीशद्वय प्रेम शर्मा र देवेन्द्रगोपाल श्रेष्ठको नाम थियो । पत्राचार अदालतको नियमित ढाँचाभन्दा केही फरक प्रकृतिको थियो । फैसला मिति वैशाख २० गते लेखिएको थियो ।
धमिलो र अस्पष्ट प्रतिलिपि पाएपछि कारागार कार्यालयले आधिकारिकता परीक्षणका लागि कारागारले सर्वोच्च प्रशासनमा वैशाख २८ गते पत्राचार गरेको थियो । कारगारको पत्राचारअनुसार अदालतले रेकर्ड खोजेको थियो । रेकर्ड अनुसार २०६९ पुस १३ गते भएको फैसला नै अन्तिम थियो । तत्कालीन न्यायाधीश सुशीला कार्की र देवेन्द्रगोपाल श्रेष्ठले उक्त फैसला गरेका थिए ।
नक्कली फैसला बनेर कैदी छुटाउन प्रस गर्नेहरुलाई आवश्यक कार्यवाहीको लागि सर्बोच्चले प्रहरीलाई पत्राचार समेत गरेको छ ।