News Portal

  • सबैभन्दा कम उमेरका सिडिओ पौडेलले गरे सेवाग्राहीलाई तातोचिसोको व्यवस्था

    नेपालवाल संवाददातारसुवा, ४ जेठ
    १२०६५ पटक
    रसुवा, ४ जेठ

    सरकारी कार्यालयमा तातो चिसो सोध्ने कुरा तपाईलाई बिश्वास नलाग्न सक्छ तर जिल्ला प्रशासन कार्यालय रसुवाले यस्तै नमूना काम गरेर सेवाग्राहीको मन जित्ने कार्यको शुभारम्भ गरेको छ ।

    ७७ वटै जिल्लाका प्रमुख जिल्ला अधिकारीमध्ये सम्भवत: सबैभन्दा कम उमेरका प्रमुख जिल्ला अधिकारीको रुपमा कृष्ण पौडेल रसुवामा रहेका छन् । सेवाग्राहीको सन्तुष्टी नै कर्मचारीको लक्ष हुनुपर्ने भन्दै ३२ वर्षिय प्रजिअ पाैडेलले जिप्रकामा यस किसिमको व्यवस्था गरेपछि सेवाग्राहीहरू दंग परेका छन् ।

    कार्यालयमा काम लिएर गएका सेवाग्राहीहरुलाई रुची अनुसार नि:शुल्क तातो/ चिसो पानी र चिया पिउने व्यवस्था मिलाइएको छ । त्यतिमात्र होइन, उनीहरुलाई कार्यालयले फ्रि वाइफाईको समेत व्यवस्था गरिदिएको छ । सेनिटरी प्याड र फष्ट एडका सामान पनि कार्यालयले उपलब्ध गराइदिएको छ ।

    सेवाग्राहीलाई काम नसकिउञ्जेल कुरेर बस्न सास्ती नहोस भनेर समय कटाउन कार्यालयले फ्री वाइफ़ाइको व्यवस्था मिलाइदिएको बताइएको छ । त्यसैगरी महिलाहरुलाई रजस्वला भएको बेलामा अप्ठ्यारो नहोस् भनेर सेनिटरी प्याड राखिएको र सामान्य बिरामी भएको बेला उपचारका लागि प्राथमिक उपचार बक्समा सामान्य औषधीहरुको व्यवस्था गरिएको जिप्रकाले बताएको छ ।

    सेवाग्राहीलाई करले सेवा गर्ने नभई कर्तव्यबोधसहित रहरले सेवामा जुट्नसमेत प्रजिअ पौडेलले कर्मचारीहरुलाई निर्देशन दिएको एक कर्मचारीले बताए । ” सिडिओसाबमा नयाँ उर्जा छ , हामी पनि उहाँको काम गर्ने तरीकाबाट उत्साहित छौ ।” उनले भने ।

    सेवाग्राहीलाई लक्षित गरी कार्यालयले दिएको अतिरिक्त सेवाबाट सेवाग्राहीहरुले कार्यालयप्रति अपनत्व राख्ने र यसले कर्मचारी र सेवाग्राही बीच आत्मियता बढाउने प्रजिअ पौडेलको बिश्वास छ । ”हाम्रो काम मात्र होइन, बोलीचाली र व्यवहार पनि सेवाग्राही मैत्री हुनुपर्छ भन्ने मान्यतासाथ सेवाग्राहीलाई कार्यालयप्रति आफ्नोपनको महसुस गराउदै सेवा दिन हामीले प्रयास गरेका हौ ।” प्रजिअ पौडेलले भने ।

    पछिल्लो समय कर्मचारीतन्त्रप्रती समाज सकारात्मक बन्न नसकिरहेको अवस्थामा पौडेल जस्ता युवा पिढीबाट केहि सकारात्मक सम्भावना र सुधारको अपेक्षा गर्न सकिन्छ । सरकारी सेवालाइ शान र सौकतको बिषय नबनाएर सेवकको रुपमा प्रस्तुत हुने यो चरीत्र स्वागतयोग्य देखिन्छ ।

     

     

     

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...