News Portal

  • ललाइफ़काइ मिर्गौला झिकेर लिने व्यक्ति भक्तपुर प्रहरीको फन्दामा

    नेपालवाल संवाददाताभक्तपुर, १४ जेठ
    २२७२ पटक
    भक्तपुर, १४ जेठ

    सोझा सिधा गरीब नेपालीहरुलाई भारत पुर्याई मिर्गौला निकालिएको समाचारहरु आइरहदा नेपालमै पनि मिर्गौला तस्करी हुने गरेको रहस्य बाहिरिएको छ । भक्तपुर प्रहरीले प्रलोभन देखाई मिर्गौला झिक्ने व्यक्तिलाई पक्राउ गरेसंगै यो तथ्य खुलेको हो ।

    देशकै ठुलो दुधपाटी स्थित सहिद धर्मभक्त मानव अंग प्रत्यारोपण केन्द्र भक्तपुरमा लोभ लालचमा पारी ललाइफ़ाकाइ मिर्गौला प्रत्यारोपण गरेको अभियोगमा विराटनगर उपमहानगरपालिका वडा नं. १ स्थायी घर भई हाल जिल्ला भक्तपुर भ.न.पा. १ स्थित डेराकोठा गरी बस्ने बर्ष ५१ को थर्क बहादुर बस्नेतलाइ प्रहरीले पक्राउ गरेको छ । बस्नेतले काभ्रेपलाञ्चोक बनेपा नगरपालिका -२ बस्ने बर्ष २९ को कुमार गिरीलाई प्रलोभनमा पारी मिर्गौला झिकी लिएको प्रहरीको दावी छ ।

    कुमारका आफन्त प्रह्लाद गिरीको जाहेरीको आधारमा कुमार गिरीको बाँया किड्नी निकाली प्रत्यारोपण गर्ने बस्नेतलाइ आइतवार पक्राउ गरि मानव अंग बेचविखन मुद्दा अन्तर्गत कारवाही अगाडी बढाएको महानगरीय प्रहरी परिसर भक्तपुरका प्रहरी नायब उपरीक्षक कृष्ण प्रसाइले जानकारी गराएका छन् ।

    मानव शरीरको अंग प्रत्यारोपण (नियमित तथा निषेध ऐन २०५५) अनुसार परिवारका सदस्य वा नजिकका आफन्तबाहेक अन्य व्यक्तिको मानव अंग प्रत्यरोपण गर्न पाइँदैन तर बस्नेतले गिरीको बाँया किड्नी निकाली प्रत्यारोपण गरेको आरोपमा पक्राउ पर्दा सम्म अस्पताल प्रसाशन भने लाचार देखिएको छ । मानव अंग प्रत्यारोपण केन्द्रका निर्देशक डा. पुकारचन्द्र श्रेष्ठले उक्त बिषयमा आफूलाई केहि थाहाँ नै नभएको प्रतिक्रिया दिएका छन् । आफू विदेश भ्रमणबाट भर्खरै फर्केकोले घटनाको बिषयमा जानकारी नभएको उनको जिकिर छ ।

    मानसिक स्वास्थ्य कमजोर भएका कुमार गिरीको किड्नी लिने थर्कमान बस्नेत पक्राउ परेपनि यसमा सहयोग गर्ने बस्नेतका छोरा आशिष बस्नेत र कुमारका काका पर्ने लालचन्द्र गिरी र डिलराम गिरी भने फरार रहेको बताइएको छ । उनीहरुले गत वैशाख १० मा गिरीको मिर्गौला झिकेर बस्नेतलाई प्रत्यारोपण गराएका थिए ।

     NepalWall को फेसबुक पेज लाइक गर्नुहोस्

    प्रतिकृया दिनुहोस्

    डाक्टर बास्काेटालाई टिएसके गाेल्डमेडल

    doctor asok baskota

    बि एण्ड बि अस्पताल तथा एचआर डिसी अस्पताल बनेपाका संस्थापक वरिष्ठ अर्थाेपेडिक सर्जन प्रोफेसर डाक्टर...

    भक्तपुरमा नि:शुल्क पानी र मास्क बाड्दै वाइसीएल

    dipshikha

    नेकपा(माओवादी केन्द्र) को सहायक संगठन योङ्ग कम्युनिष्ट लिग नेपाल(वाइसीएल-नेपाल) ले दशैमा उपत्यका बाहिर जाने यात्रीहरुलाई...

    भक्तपुरका पत्रकारले कालो पट्टी बाँधेर निर्वाचनको समाचार संकलन गर्ने

    fnj bhaktapur

    निर्वाचन आयोगले नेपाली सेना र प्रहरीबाट मिडिया अनुगमन गर्ने तयारी गरेपछि पत्रकारहरु विरोधमा उत्रिएका छन्...

    गठबन्धनबाट भक्तपुरको २ प्रदेश क्षेत्र माओवादी केन्द्रले पाउने सचिव पोख्रेलको खुलासा

    बागमती प्रदेश सभाका लागि भक्तपुरमा गठबन्धनबाट  माओवादी केन्द्रले उम्मेदवारी पाउने पार्टी सचिव लीलामणि पोख्रेलले खुलासा...

    दशैंमा सार्वजनिक यातायात ब्यवस्थापनका लागि भक्तपुरको विशेष योजना

    भक्तपुरमा सार्वजनिक यातायातलाई व्यवस्थित बनाउन गुनासो सुन्ने र समाधान गर्ने उदेश्यले यात्रु सहायता कक्ष संचालन...