News Portal

  • रिहाइ हुनासाथ बालकृष्ण ढुंगेलले भने ‘ फेरि जेल जान्छु ‘

    नेपालवाल संवाददाताकाठमाडौँ, १५ जेठ
    २५६८ पटक
    काठमाडौँ, १५ जेठ

    जनयुद्धकालमा उज्वन श्रेष्ठको हत्या गरेको अभियोगमा गत कात्तिकमा कारागार चलान गरिएका नेकपाका नेता बालकृष्ण ढुंगेललाइ रिहाइ गरिएको छ । गणतन्त्र दिवसको दिन सरकारले उनको बाँकी कैद मिनाह गरि रिहाइ गरिदिएको हो ।

    रिहाइ भए लगत्तै ढुंगेललाई नेकपाका नेता कार्यकर्ता र उनका आफन्त तथा शुभचिन्तकहरुले स्वागत गरेका छन । नेकपाको केन्द्रिय कार्यालय पेरिस डाँडामा पुगेर ढुंगेलले शहिद तथा बेपत्ता स्मृति स्तम्भमा माल्यार्पण गरेका छन् । उक्त अवसरमा उपस्थितहरुलाई सम्बोधन गर्दै पूर्व सांसद समेत रहेका नेता ढुंगेलले न्याय व्यवस्था र राजनीतिक चरित्र प्रति आक्रोस पोखेका छन् ।

    उनले आफू निर्दोष रहेको जिकिर गर्दै पाप जाच्ने मेसिन बन्यो भने आफू त्यसमा बस्न तयार गरेको बताए ।

    हिजोका प्रतिक्रियाबादीहरु नै आफूहरुले लडेर ल्याएको गणतन्त्रको मालिक भएको र आफूलाई जेल पुर्याएको उनको जिकिर छ । ” गणतन्त्रको लागि लड्दा समातेर हिरासतमा राख्ने र हिटरमा पिसाव फेर्न लगाएर किड्नी ड्यामेज गराउने शेर बहादुरहरु गणतन्त्रका मालिक भएपछि म जेल जानु स्वाभाविक नै थियो ।” उनले भने ।

    नेता ढुंगेलले न्यायालयले आफ्नो भागको गणतन्त्र खोसेर अपराधी करार गर्दा न्यायमाथि बलात्कार भएको भन्दै दुख ब्यक्त गरे । उनले मानव अधिकारवादीको नाममा मानिसहरु आफ्नो लागि भात र रक्सीको जोहो गर्न अरुको न्याय अन्यायको ठेकेदार बन्ने गरेको आरोप लगाए ।

    गणतन्त्रको लागि लडेका व्यक्तिहरु गणतन्त्र आएपछि आफू जस्तै परिबन्दमा परि जेल जान नपरोस भन्ने उनको सुभेक्षा रहेको छ । उनले आफू यो तेस्रो पटक कारागार मुक्त भएको स्मरण गर्दै देश र जनताको लागि अर्को पटक पनि जेल जान तयार रहेको उद्घोष गरे ।

    जब जनताका नेताहरु शाशक बनेर दुख दिन थाल्छन् तब जनताको मुक्तिको लागि लड्न पर्छ । आफू जनताको आँगनमा खुशीको बिहानी नआँउदा सम्म लड्न,मर्न र जेल जान तयार रहेको उनको उद्घोष छ । ”यो नै मेरो अन्तिम लडाँई होइन, जनताको पक्षमा रहदा अपराधी भइन्छ भने म फेरि पनि जेल जान तयार छु ।” उनले भने ।

    हेर्नुस् भिडियो

    https://www.facebook.com/gbijaya90/videos/1934647243220804/

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...