काठमाडाैं, जेठ १५आज जेठ १५ अर्थात् गणतन्त्र दिवस । नेपालमा गणतन्त्र स्थापना भएको ११ वर्ष भएको छ । यस अवसरमा नेपालमा रहेका मात्र नभई बिदेशमा रहेका नेपालीहरुले पनि आज ११ औं गणतन्त्र दिवस समृद्ध नेपालको कामनासहित मनाइरहेका छन् ।
राजधानीको टुँडिखेलमा औपचारिक कार्यक्रम गरी गणतन्त्र दिवस मनाइएको छ । कार्यक्रममा राष्ट्रपति, उपराष्ट्रपति, प्रधानमन्त्री, कामु प्रधानन्यायाधिस, प्रतिनिधि सभाका सभामुख र राष्ट्रिय सभाका अध्यक्ष, मन्त्रीहरु, संवैधानिक निकायका प्रमुखहरु, सुरक्षा निकायका प्रमुखहरु लगायत सहभागी भएका थिए ।
समारोहमा राष्ट्रपति, उपराष्ट्रपति, प्रधानमन्त्री, कामु प्रधानन्यायाधीश, सभामुख र राष्ट्रिय सभाका अध्यक्षले शान्तिका प्रतीक एक÷एक जोडी परेवा उडाउनुभएको थियो । समारोहमा राष्ट्रपतिको सम्मानमा नेपाली सेनाको टुकडीले सलामी अर्पण गरेको थियो ।
उक्त अवसरमा सेनाको एक टुकडीले हेलिकप्टरबाट पुष्प वृष्टि गरेको थियो भने काठमाडौँ महानगरपालिका, ललितपुर महानगरपालिका, भक्तपुर नगरपालिका, मध्यपुरथिमि नगरपालिका, कीर्तिपुर नगरपालिकाले आ-आफ्ना कलासंस्कृति झल्कने झाँकीहरु समेत देखाएका थिए ।
