News Portal

  • शिक्षामा कलम चलाउनेलाई खुशीको खबर : जेठ मसान्तभित्र आवेदन दिए पुरस्कार पाइने

    नेपालवाल संवाददाताकाठमाडौँ, १७ जेठ
    २८३७ पटक
    काठमाडौँ, १७ जेठ

    नेपाल पत्रकार महासंघले शिक्षा विभागको सहकार्यमा प्रदान गर्दै आएको शिक्षासम्बन्धी विभिन्न पुरस्कारका लागि आवेदन आह्वान गरेको छ । बुधवार एक सूचना जारी गर्दै महासंघले यस बर्ष प्रदान गरिने शिक्षासम्बन्धी विभिन्न पुरस्कारका लागि आवेदन आह्वान गरेको हो ।

    प्रत्येक बर्ष शिक्षा क्षेत्रमा कलम चलाउनेहरुको प्रोत्साहनको लागि महासंघले शिक्षा विभागको सहकार्यमा शिक्षासम्बन्धी विभिन्न पुरस्कारको व्यवस्था गर्दै आएको छ । राष्ट्रिय शिक्षा पत्रकारिता पुरस्कार, प्रादेशिक शिक्षा पत्रकारिता पुरस्कार ,प्रादेशिक शिक्षा पत्रकारिता लेखनवृत्ति ,संस्थागत शिक्षा पत्रकारिता पुरस्कार गरि ४ प्रकारका पुरस्कारहरुको लागि आवेदन माग गरिएको महासंघले जानकारी गराएको छ ।

    राष्ट्रिय शिक्षा पत्रकारिता पुरस्कार देशभरबाट छनौट गरी प्रदान गरिनेछ । कुनै पनि सञ्चारमाध्यममा कम्तिमा ५ वर्षदेखि निरन्तररूपमा शिक्षा क्षेत्रलाई प्राथमिकता दिई काम गरिरहेका व्यक्तिले यसका लागि आवेदन दिनसक्ने बताइएको छ ।

    प्रादेशिक शिक्षा पत्रकारिता पुरस्कार र प्रादेशिक शिक्षा लेखनवृत्तिका लागि सातवटै प्रदेश तथा काठमाडौं उपत्यकाबाट छनौट हुनेछ । कम्तिमा ३ वर्षदेखि निरन्तररूपमा शिक्षा क्षेत्रलाई प्राथमिकता दिएर कुनै पनि सञ्चारमाध्यममा पत्रकारिता गरिरहेका व्यक्तिले प्रादेशिक पुरस्कार र लेखनवृत्तिमा आवेदन दिनसक्नेछन् ।

    संस्थागत शिक्षा पुरस्कारतर्फ दैनिक पत्रिका, टेलिभिजन र अनलाइनलाई राष्ट्रिय स्तरमा तथा प्रादेशिक स्तरमा रेडियोको छनौट गरी पुरस्कार प्रदान गरिनेछ । रेडियोको हकमा काठमाडौं उपत्यकाबाट समेत छनौट गरिनेछ ।

    पुरस्कारमा सहभागी हुन चाहने पत्रकारले शिक्षा क्षेत्रमा पत्रकारितामार्फत पु¥याएको योगदानसहितको व्यक्तिगत विवरण, २०७४ वैशाख १ गतेदेखि २०७४ चैत्र मसान्तसम्म आफूले तयार पारेर प्रकाशित/प्रसारित भएका ५ वटा शिक्षासम्बन्धी समाचार सामग्री, खोजमूलक लेख–रचनासहित आवेदन महासंघको कार्यालय सञ्चारग्राम, काठमाडौंमा पठाउनुपर्नेछ । आवेदन महासंघको कार्यालय सञ्चारग्राम, काठमाडौंमा सोझै, हुलाकमार्फत वा महासंघको इमेल [email protected] मार्फत पनि आइपुग्नेगरी पठाउन सकिने बताइएको छ ।

    आवेदन आइपुग्नुपर्ने अन्तिम मिति २०७५ जेठ मसान्तसम्म तोकिएको सूचनामा उल्लेख गरिएको छ ।

    शिक्षा पत्रकारिता पुरस्कार महासंघ र शिक्षा विभागको संयुक्त निर्णयअनुसार तयार गरिएको मापदण्डका आधारमा तोकेको छनौट समितिबाट हुने जानकारी गराइएको छ ।

    शिक्षा विभागका महानिर्देशक बाबुराम पौडेलले सबै शिक्षा पत्रकार यस प्रकृयामा सहभागी हुने विभागले अपेक्षा गरेको बताएका छन् । नेपालवाल संग कुरा गर्दै उनले भने, ” शिक्षाको विकाशमा पत्रकारको पनि उत्तिकै योगदान छ , यो उहाँहरुको योगदानको कदर गर्ने सानो प्रयास मात्र हो ।”

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...