News Portal

  • एनजीओ/आइएनजीओप्रति मुख्यमन्त्री शाही आक्रामक : कर्णालीको परनिर्भरता बढाएको आरोप

    नेपालवाल संवाददातासुर्खेत, १७ जेठ
    ६६३ पटक
    सुर्खेत, १७ जेठ

    कर्णाली प्रदेशका मुख्यमन्त्री महेन्द्रबहादुर शाहीले गैरसरकारी संस्थाका कारण परनिर्भरता बढेको निष्कर्ष निकालेका छन् । उनले गैरसरकारी संस्थाका कारण परनिर्भरता बढेको बताउदै यूरोपियन युनियन(इयू)का प्रतिनिधिलाई कर्णालीको आवश्यकतामा आधारित विकासका काम गर्न सुझाव दिएका छन् ।

    बुधबार नेपालका लागि युरोपियन युनियनका राजदूत भेरोनिका कोडी नेतृत्वको प्रतिनिधिमण्डलसँग कुराकानी गर्दै मुख्यमन्त्री शाहीले सानातिना सहयोगका नाममा विकासमा अलमलको स्थिति आएको जिकिर गरे । दिगो प्रतिफल निकाल्ने भन्दा पनि सानातिना कुरामा काम गर्दा कर्णालीमा गरिएको लगानी डुबेको उनको भनाइ छ ।

    ” कर्णालीमा चामल, चाउचाउ र बिस्कुट बाँड्ने गैरसरकारी संस्थाले यहाँ परनिर्भरता बढाएको छ । यस्ता गैरसरकारी संस्था अब आवश्यक छैन ।” उनले भने ।

    दिगो प्रतिफल निकाल्न नसक्ने परियोजना प्रदेश सरकारको प्राथमिकतामा नपर्ने भन्दै मुख्यमन्त्री शाहीले दिगो प्रतिफल निकाल्ने गरी न्यूनतम १ करोडभन्दा माथिको लगानी गर्ने गैरसरकारी संस्थालाई मात्र कर्णालीमा स्थान दिइने दावी गरे ।

    विकासका लागि प्रदेश सरकार प्रतिबद्ध रहेको भन्दै उनले निकट भविश्यमै कर्णालीमा अन्तर्राष्ट्रिय लगानी सम्मेलन गर्ने योजना बनाइएको बताएका थिए । मुख्यमन्त्री शाहीले सवै गैरसरकारि संस्थाहरु एकद्वार प्रणालीमा आएर काम गर्नुपर्ने कुरामा समेत जोड दिए ।

    उक्त अवसरमा युरोपियन युनियनका राजदूत भेरोनिका कोडी नेतृत्वको प्रतिनिधिमण्डलले कर्णाली प्रदेशको सरकारसँग मिलेर विकासका काम गर्न तयार रहेको बताएको थियो ।

     

    प्रतिकृया दिनुहोस्

    कर्मचारीहरु १०-५ मा सीमित नहुने भक्तपुरकी नयाँ सिडिओ शर्माको प्रतिवद्धता

    CDO rudra sharma

    भक्तपुरमा नयाँ कार्यभार सम्हालेकी प्रमुख जिल्ला अधिकारी (सिडिओ) रुद्रादेवी शर्माले कर्मचारीहरु १०-५ को ड्युटीमा सीमित...

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रम अन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...