News Portal

  • भक्तपुर आएर देउवाले भने ”द्वन्द्वकालका हत्यारालाई कडा कारवाही गर्नुपर्छ”

    नेपालवाल संवाददाताभक्तपुर, २४ जेठ
    १७९२ पटक
    भक्तपुर, २४ जेठ

    पूर्वप्रधानमन्त्रीसमेत रहेका नेपाली काँग्रेसका सभापति शेरबहादुर देउवाले द्वन्द्वको बेला हत्यामा संलग्नहरुलाई उन्मुक्ति दिनु नहुने बताएका छन् ।

    द्वन्द्वकालमा शहीद भएका भक्तपुरका काँग्रेस नेता राधेश्याम जोन्छेंको स्मृति सभामा बोल्दै सभापति देउवाले त्यतिबेलाका हत्याराहरुलाई खोजी खोजी कानुनी कठघरामा उभाउनुपर्ने र कडा कारवाही गर्नु पर्नेमा जोड दिए ।

    “प्रजातन्त्रका लागि लड्ने योद्धाका रुपमा रहनुभएका जोन्छेंमाथि द्वन्द्वका नाममा उहाँकै घरमा गएर गोली प्रहार गर्नु ठूलो अपराध हो, यस्ता अपराधीलाई कहिल्यै कसैले पनि छुट दिनुहुँदैन ।” उनले भने ।

    तत्कालिन नेपाली काँग्रेस प्रजातान्त्रिकका भक्तपुर जिल्ला सभापति जोन्छेंलाई २०५९ सालमा भक्तपुरको चुनदेवी स्थित उनको निवासमै गोली हानी हत्या गरिएको थियो ।

    शहिद राधेश्याम जोन्छें स्मृति प्रतिष्ठानले आयोजना गरेको आजको स्मृति सभामा बिद्यार्थी हरुलाई छात्रवृत्ति एवं प्रमाणपत्र वितरण गरिएको थियो ।

    उक्त अवसरमा पूर्वसभामुख समेत रहेका काँग्रेस नेता दमननाथ ढुङ्गानाले नेपाली काँग्रेसभित्रको गुटउपगुटले काँग्रेसलाइ कमजोर पारेको भन्दै त्यसको अन्त्य पछि मात्र पार्टी बलियो हुने बताएका थिए भने नेपाली काँग्रेसका भक्तपुर जिल्ला सभापति दुर्लभ थापाले नेपाली काँग्रेसको बिकल्प नभएको बताउदै जनताको कम्युनिष्टबाट मोहभंग भएको जिकिर गरेका थिए ।

    सभापति थापाले काँग्रेस सदैव अविचलित भएर  देश र जनताको पक्षमा लडिरहने प्रतिबद्धतासमेत प्रकट गरे ।

    प्रतिष्ठानका अध्यक्ष एवं प्रदेश नं ३ का प्रदेश सदस्यसमेत रहेकी शहीद जोन्छें पत्नी रजनी जोन्छें, जिल्ला समन्वय समितिका प्रमुख नवराज गेलाल, कानून आयोगका पूर्व अध्यक्ष बाबुराजा जोशी लगायतले शहीद जोन्छेंले प्रजातन्त्र स्थापनमा पुर्याएको योगदान अविस्मरणीय रहेको बताएका थिए ।

    प्रतिकृया दिनुहोस्

    मोटरसाइकल ठोक्किँदा दुई जनाको मृत्यु

    झापाको मेचीनगर नगरपालिका पिपलडाँगीमा गएराति मोटरसाइकल ठोक्किँदा दुई जना चालकको ज्यान गएको छ । दुर्घटनामा...

    राष्ट्रपतिको कदमप्रतिगमनको नयाँ स्वरुपः प्रचण्ड

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीको...

    एकथरी मान्छेहरु प्रचण्ड सिद्धियोस् भनेर रातदिन धुप हाल्छन्ः प्रचण्ड

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एकथरी मान्छेहरुले प्रचण्ड सिद्धियोस् भनेर रातदिन बसेर धुप...

    सिट बाँडफाँटको विषयमा प्रचण्ड, माधव नेपाल र उपेन्द्र यादवबीच छलफल

    सत्ता गठबन्धनमा सिट बाँडफाँटको विषयमा नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका...

    सशस्त्र प्रहरी बलको निरीक्षकसहितका पदमा दरखास्त आह्वान

    सशस्त्र प्रहरी बलले निरीक्षकसहितका पदमा आवेदन आह्वान गरेको छ । रिक्त पदपूर्तिका लागि सशस्त्र प्रहरी...