नेपालवाल संवाददाताकाठमाडौँ, ३१ जेठ
काठमाडौँ, ३१ जेठआफूलाई डन ठान्ने संजीव लामा ‘स्याल’लाई प्रहरीले पक्राउ गरेको छ । उनी बलात्कारको अभियोगमा पक्राउ परेका हुन् ।
तरुण दल काभ्रेका अध्यक्षसमेत रहेका स्याल रेस्टुरेन्ट व्यवसाय गर्दै आएका थिए । उनलाई आफ्नै रेस्टुरेन्टमा काम गर्ने युवतीमाथि यौन हिंसाको आरोप लागेको छ । उनले युवतीलाई गर्लफ्रेन्ड बन्न दवाव दिएको प्रहरीको दावी छ ।
स्याललाई बलात्कार मुद्दामा महानगरीय प्रहरी वृत्त दरबारमार्गले पक्राउ गरेको हो । दरबारमार्ग वृत्तले स्याललाई जबर्जस्ती करणी उद्योग मुद्दामा पक्राउ गरिएको र मुद्दा चलाउने तयारी गरेको बताएको छ ।
उनी गुण्डागर्दीको आरोपमा पटक पटक पक्राउ पर्दै छुट्दै आएका छन् । गोठाटार गोलीकाण्डमा समेत उनी मुछिएका थिए ।