News Portal

  • डा. अहिराजद्वारा विद्यालयमा विभिन्न सामाग्री हस्तान्तरण

    नेपालवाल संवाददाताराैतहट, ६ असार
    ९९८ पटक
    राैतहट, ६ असार

    मधेश मामिलाका जानकार तथा मधेशवादको विषयमा विद्यावारिधि गरेका मधेश मिडिया हाउसका अध्यक्ष एवम् मधेशवाणीका सम्पादक डा. राजेश अहिराजले आफूले शैक्षिक जीवन प्रारम्भ गरेको विद्यालयलाई शैक्षिक तथा खेलकुदका सामग्रीहरु प्रदान गरेका छन् । रौतहट जिल्लाको सुन्दरपुरस्थित श्री गढीमाई निम्न माध्यमिक विद्यालयमा मंगलबार एक कार्यक्रमको आयोजना गरी डा. अहिराजले कापी, कलम तथा खेलकुदका सामग्रीहरु हस्तान्तरण गरेका हुन् ।

    वि.सं. २०३६ सालमा स्थापना भएको सो विद्यालयमा करिब पाँच सय विद्यार्थीहरु अध्ययनरत् रहेका छन् । डा. अहिराजले सम्पूर्ण विद्यार्थीलाई पुग्ने गरी शैक्षिक सामग्री र केही खेलकुदका सामान प्रदान गरेका हुन् । शैक्षिक तथा खेलकुदका सामग्रीहरु पाएर विद्यार्थी, शिक्षक र अभिभावकहरु दङ्ग परेका थिए ।

    उक्त कार्यक्रममा विद्यालय व्यवस्थापन समितिका अध्यक्ष चुल्हाई रायले विद्यालयमा गरिएको सहयोगलाई सराहना गरेका छन् । उनले गाउँ–समाजमा यस्ता सपूतहरुको खाँचो रहेको बताउँदै आफूले अध्ययन सुरु गरेको विद्यालयमा सहयोग गरेकोले भावी सन्ततिका लागि प्रेरणाको स्रोत बनेको बताए ।
    यसैगरी, विद्यालयका प्राधानाध्यापक दिनेश साहले यसै विद्यालयबाट अध्ययन सुरु गरेका डा. अहिराजले आज राष्ट्रिय तथा अन्तर्रा्ष्ट्रिय जगतमा आफ्नो पहिचान बनाइरहेको बताए । उनले यो कुरा यस विद्यालयका लागि गर्वको विषय रहेको भनेका थिए ।

    सामग्री हस्तान्तरण कार्यक्रममा डा. अहिराजले आफूले शिक्षाको प्रारम्भ गरेको विद्यालयमा एउटा सानो सहयोग गर्न पाएकोमा खुशी लागेको बताए । उनले आगामी दिनमा आफूले सक्दो सहयोग गर्ने प्रतिबद्धतासमेत प्रकट गरे । शिक्षा नै जीवनको अमूल्य सम्पति भएको भन्दै डा. अहिराजले विद्यालयमा अध्ययनरत् विद्यार्थीहरुको सुनौलो भविष्यका लागि शुभकामना समेत व्यक्त गरेका थिए ।

     

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...