नेपालवाल संवाददातासप्तरी, ८ असार
सप्तरी, ८ असारप्रसिद्ध गायक उदितनारायण झाको नवनिर्मित घरमा विद्युत वायरिङ गर्ने क्रममा एक युवकको ज्यान गएको छ । सप्तरीको हनुमाननगर कंकालिनी नगरपालिका–१ स्थित गायक उदितनारायण झाको नवनिर्मित घरमा वायरिङको काम गर्दै आएका युवकको ज्यान गएको हो ।
ज्यान जानेमा भारत सुपौल काचौटपट्टीका २५ वर्षीय संजीव यादब रहेका छन् । उनी गायक झाको नयाँ घरमा विद्युतीय वायरिङको काम गर्दै आएका थिए ।
वायरिङ गर्ने क्रममा बिहीबार अचानक बिद्युत सर्ट भई करेन्ट लाग्दा उनको ज्यान गएको हो ।
करेन्ट लागि गम्भीर अवस्थामा उद्दार गरि भारदहस्थित अस्पताल लैजाने क्रममा बाटोमा नै उनको ज्यान गएको स्थानीयले बताए ।