News Portal

  • असई हत्याको आरोप लागेका राज्यमन्त्री साधारण तारेखमा रिहा

    जनकपुर, २९ साउन
    ६७७ पटक
    जनकपुर, २९ साउन

    सशस्त्र प्रहरीका असई थमनबहादुर विकको हत्या गरेको आरोपमा फरार रहँदै आएका भनिएका प्रदेश २ का सामाजिक विकास राज्यमन्त्री अभिराम शर्मालार्ई सोमबार जिल्ला अदालत जलेश्वरले साधारण तारेखमा राख्नु भन्ने आदेश जारी गरेको छ ।

    महोत्तरी जिल्ला अदालतका जिल्ला न्यायाधीश बज्रेश प्याकुरेलको इजलाशले राज्यमन्त्री शर्मालाई मुलुकी ऐन अदालती बन्दोबस्तको ४७ नं. बमोजिम सधारण तारेखमा राख्नु भनी आदेश भएको अदालतका श्रेष्तेदार रामानन्द अधिकारीले जानकारी दिए ।

     सोमबार साँझ भएको आदेशमा भनिएको छ,‘..तथ्य र मिसिल संलग्न तत्काल प्राप्त प्रमाण अर्थात जाहेरी र घटना वारदात देख्ने एम्बुलेन्सका चालक, संगै जाने सुरक्षाकर्मी तथा अस्पतालका कर्मचारीको व्यहोरा, घटना विवरणका व्यक्तिहरुको भनाई लगायत प्रतिवादीको आज यस अदालतमा भएको वयान व्यहोरा समेतबाट यी प्रतिवादीको बारदातमा प्रत्यक्ष संलग्न भएको भन्ने पुष्टि हुने आधार देखिएन । केवल प्रतिवादीको मोबाइलको कल डिटेल्सले निज वारदातको लोकेसनमा रहेको भन्ने आधारबाट मात्र निजको वारदातमा संलग्नता रहेको अनुमान गर्न मिल्ने अवस्था देखिएन । अतः पछि बुझदै जाँदा ठहरे वमोजिम हुने गरी निज प्रतिवादी अभिराम शर्मालाई हाल मुलुकी ऐन अदालती बन्दोवस्तको ४७ नं. बमोजिम तारेखमा राख्नु भनि यो आदेश गरिदिएको छ ।’

    झण्डा लागेकै गाडीमा अदालत समयमा हाजिरी भएका राज्यमन्त्री शर्माले जिल्ला न्यायाधीश समक्ष एक नं. इजलाशमा वयान दिएका थिए । उनले वारदातको समयमा आफु ससुरा विरामी भएको कारणले ससुराली घर पिपरा रहेको सो वारदातमा आफु संलग्न नभएको वयान दिएका थिए । उनको वयानपश्चात थुनछेक आदेशको लागि वहस भएको थियो ।

    राज्यमन्त्री शर्माको तर्फबाट अधिवक्ताहरु ज्ञानेन्द्र लाल कर्ण, रमेश पाण्डे तथा देवेन्द्र ठाकुर निरालाले तथा नेपाल सरकारको तर्फबाट जिल्ला न्यायधिवक्ता सुदिपकुमार दंगालले बहस गरेका थिए ।

    विं.सं. २०७२ सालमा भएको मधेश आन्दोलनको क्रममा सशस्त्र प्रहरीका सहायक प्रहरी निरीक्षक थमनबहादुर विकलाई भदौं २५ गते आन्दोलनकारीहरुले उपचारको लागि जनकपुर लैजादै गर्दा एम्बुलेन्सबाट थुतेर हत्या गरिएको घटनामा राज्यमन्त्री शर्मा फरार अभियुक्तको सूचीमा रहेका थिए । हत्या तथा एम्बुलेन्समा आगजनी गरिएको घटनामा प्रहरीले २८ जनामाथि कर्तव्य ज्यान तथा २५ जनामाथि एम्बुलेन्समा आगजनीको मुद्दा दर्ता गरेका थिए ।

    प्रहरीले अभियुक्तहरुलाई पक्राउ गर्न आलटाल गर्दै गएपछि मृतक सशस्त्र प्रहरीका असई थमन विश्वकर्माकी पत्नी शोभा गहतराजले पुनः रिट हालेपछि यही १५ गते मंगलबार मात्रै उच्च अदालत जनकपुरका न्यायधीशद्वय माघवप्रसाद पोखरेल र डा.रवि शर्मा अर्यालको इजलासले अभियुक्तहरुलाई पक्राउ गर्न परमादेश जारी गरेको थियो ।
    सो परमादेशपश्चात चारैतर्फबाट दवाव बढेपछि पार्टीको आदेशानुसार राज्यमन्त्री शर्मा अदालतमा हाजिरी भएका थिए ।
    यो भन्दा अगाडी मात्रै सोही घटनामा जलेश्वर नगरपालिका वडानं. ३ बस्ने २५ वर्षिय सञ्जय कुमार साह, जलेश्वर नगरपालिका वडानं. २ बस्ने वर्ष ३० का प्रदिप साह माझी र फुल्हट्टा परिकौली गाविस ३ हाल जलेश्वर नगरपालिका वडा नं. १७ का वर्ष ५५ का मोहन ठाकुर पक्राउ परेका थिए । पक्राउ परेका मध्ये मोहन ठाकुर अहिले साधारण तारेखमा रहेकाे मधेसवाणीले बताएको छ ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...