News Portal

  • आज नाग पंचमी : यसकारण गरिन्छ नागपूजा

    बाबुराम दाहालभक्तपुर, ३१ साउन
    ४९१४ पटक
    भक्तपुर, ३१ साउन

    प्रत्येक वर्ष श्रावण शुक्ल पञ्चमीका दिन नागपूजा गर्ने परम्परा रही आएको छ । यस दिन अनन्त, वासुकी, पद्म, महापद्म, तक्षक, कुलीर, कर्कोकट र शङ्ख गरी आठ नागलाई चित्र बनाई पूजाआजा गरी घरको मूल ढोकामा टास्ने र पूजा गर्ने गरिन्छ । कपासको आकार बनाएर पनि नागपूजा गरिँन्छ ।

    इनार, धारा , कुवा, पानी पँधेरो आदी पानीका श्रोतमा नागको वास हुने विश्वासका साथ् यस अवसरमा उक्त स्थानमा पूजाअर्चना गरिन्छ ।
    नाग पूजा गर्नाले नाग देवताको कृपादृष्टि प्राप्त हुने र हरेक समस्या बाट मुक्ति मिल्ने धार्मिक विश्वास रहिआएको पाइन्छ ।

    यस्तो मान्यता छ कि ब्रह्राजीले पृथ्वीको भार उठाउने जिम्मा शेषनागलाई दिए त्यसैले पृथ्वी वासीले नाग पूजा गर्ने परम्परा चलेको हो । अर्को कहावत अनुसार श्रावण शुक्ल पंचमी तिथिमा समस्त नाग वंश ब्रह्राजी संग आफ्नो श्राप बाट मुक्ति माग्न गएका थिए र ब्रह्राजीले पनि नागलाइ श्राप मुक्त गरिदिए ।त्यसकै खुशीयालीमा नागपूजा गरिन्छ ।

    एक अर्को कथा अनुसार द्वापरमा भगवान कृष्णले यसैदिन कालिया नागको बध गरि उसलाई मुक्ति दिएको अवसरको सम्झना स्वरुप नागपूजा गरिन्छ । त्यस्तै समुन्द्र मन्थनको बेला बासुकी नागको नेती बनाइ प्रयोग गरिएकोले नागको पूजा गर्ने प्रचलन चलेको मान्नेहरु पनि छन् ।

    भगवान शिवले नागको माला लगाउने र भगवान विष्णु  शेष नागको शय्यामा फणको छाता ओढी शयन गर्ने भएकाले पनि नागलाई भगवानकोरुपमा पूजिएको पण्डितहरु बताउँछन् ।

    एक कथा अनुसार एक पटक एक गाउको किसानले हलो जोत्दा सर्पका बच्चाहरुलाई किचेर मारिदिए । बच्चाको वियोगमा आक्रोसित सापले राती उक्त किसान र उसका २ छोरालाई डसेर छोरीलाई डस्न आउदा छोरीले दुध पिलाएर बाबुको गल्ती माफ गरिदिन प्रार्थना गरिन् । उनको प्रार्थनाबाट खुशी भएर नागमाता सबैलाई जीवन दान दिएर पाताललोक फर्किन् । त्यसैले अन्जानमा भएको गल्तीको समेत दोष नलागोस् भनेर मानिसहरुले नागपूजा गर्न लागे ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...