News Portal

  • लामाजस्ता युवा देख्दा क्यान्सर पिडित रुपा ठान्छिन्, दु:खमा साथ दिने नै सायद दैव होलान्

    नेपालवाल संवाददाताकाठमाडौँ, ७ असोज
    ७५१ पटक
    काठमाडौँ, ७ असोज

    दु:खमा साथ दिने नै सायद दैव होलान् ! ५ महिनादेखि ब्लड क्यान्सरसंग लडिरहेकी १९ बर्षिया रुपा तिवारीलाई यस्तै लाग्छ । नामै सुन्दा मुटु काप्ने ब्लड क्यान्सरले सताएपछि उनी हरेक समय मृत्युसँग लडिरहेकीछिन् । जब उनलाई हेर्न कोही आउँछ, उनलाई जीवन लिएर दैव आए झैं लाग्छ र उनी आफ्नो रोगलाई चटक्कै बिर्सेर प्रफुल्ल हुन्छिन् ।

    आइतवार एकाबिहानै वाईसीएल केन्दिय सदस्य एवम् श्रम तथा रोजगार विभाग ३ नम्वर प्रदेश प्रमुखसमेत रहेका युवानेता कुमार लामासहितको टोली महाराजगंजस्थित शिक्षण अस्पताल पुग्दा रुपाको मुहारमा खुशी झल्किएको थियो । मन्डन देउपुर नगरपालिका- ९ काभ्रेकी १९ बर्षिया तिवारी शिक्षण अस्पतालमा आफ्नो पार्टीका मान्छे आएको देखेेर खुशी भएकी होइनन् , नत त्यस टोलीमा आफ्ना नातागोताका मान्छे देखेर नै उनी खुशी भएकी हुन् । कहिले नचिनेका मान्छेहरु मानवताको नाताले आफुलाई भेट्न आएको देखेर नै उनको मुहारमा ब्लड क्यान्सरको बीचबाट खुशीको चमक आएको हो ।

    सहयोगी भावना बोकेर अस्पताल पुगेका सामाजिक सेवाभावले प्रेरित युवानेता कुमार लामासहितको टोलीले रुपालाई स्वास्थ्य लाभको कामना गर्नुका साथै नगद २०००० पनि प्रदान गर्यो । सरकारले असाध्य रोगको उपचारका लागि बिशेष ब्यबस्था गरेको बताउदै लामाले सरकारी सहयोग लिन चुक्नु नहुने सुझाव दिए । उपचारको अवस्थाबारे जानकारी लिँदै लामाले रोग निको हुने क्रममा रहेकोले निरास नहुन भन्दै उपचारकोक्रममा जस्तो सुकै सहयोग गर्न आफूहरु तयार रहेको बताएका थिए ।

    ब्लड क्यान्सरसँग लडिरहेकी तिवारीको उपचारमा सहयोग होस् भनी आफूहरुले सानो सहयोग गरेको र यस्तो सहयोगलाई निरन्तरता दिइने एवम् अन्य पीडितसम्म पनि पुग्ने नेता लामाको दाबी छ ।

    रुपाका दाजु दीपकले हालसम्म बहिनीको उपचारमा १५ लाख खर्च भैसकेको भन्दै सहयोगीका कारण बहिनीलाई बचाउन सकिएको बताएका छन् । समाजमा मानवता र सहयोगी भावना जीवितै रहेकाले आफ्नी बहिनीले जीवन पाउनेमा आफूहरु बिस्वस्त रहेको उनले बताए ।

    सच्याइएको : रुपा हुनुपर्नेमा अन्यथा भएकोले सच्याइएको छ ।-सम्पादक

     

     

    प्रतिकृया दिनुहोस्

    सानोठिमी क्याम्पसको प्राध्यापक संघमा प्राडा श्रेष्ठको नेतृत्वमा नयाँ कार्यसमिति

    त्रिभुवन विश्वविद्यालय प्राध्यापक संघको सानोठिमी क्याम्पस इकाई समितिले नयाँ नेतृत्व पाएको छ । प्राडा माधव...

    क्रिप्टोकरेन्सीलाई मान्यता पाउनुपर्ने माग गर्दै सर्वोच्चमा रिट दर्ता

      डिजिटल मुद्रा क्रिप्टोकरेन्सीलाई मान्यता पाउनुपर्ने माग राखी सर्वोच्च अदालतमा बिहीबार रिट निवेदन दर्ता भएको...

    नागरिकता विधेयक पास भए नेपालमा लेन्डुप दोर्जेहरुको जन्म हुन्छः प्रेम सुवाल

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...