News Portal

  • तिम्रो ध्रुवेहात्तीलाई हाम्रो सलाम छ !

    संजीप शुभचिन्तकसर्लाही, १३ असोज
    १७०४ पटक
    सर्लाही, १३ असोज

    धेरै मानिसलाई लाग्छ मरेपछि काजकिरीया नगर्दा अनर्थ हुन्छ तर हरिपुर-२ जानकीनगर सखुवाका ध्रुव कार्की र उनकी पत्नी आशालाई भने यस्तो लाग्दैन । आमाबाबु बाचुन्जेल बोझ ठान्ने र मरेपछि किरीया बस्नेकुरा ढोंग मात्र भएको उनीहरुको बुझाई छ ।

    एक साता अघि असोज-५ मा देहान्त भएका ध्रुवका ७६ वर्षिय बुवा नारायणबहादुर कार्कीको काजकिरीयामा उनीहरु सामेल भएका छैनन् । दाहसंस्कारमा सहभागी भएका ध्रुवले कोरामा बसेर काजकिरीया नगर्दा रुढीबादी आफन्त र छिमेकीहरु आक्रोसीत बनेका छन् । उनीहरुले सामाजिक परम्पराको खिलाफ गएको आरोप लगााउदै ध्रुव दम्पतीलाई सामाजिक बहिस्कारको चेतावनी दिएका छन् तर ध्रुवदम्पती भने आफ्नो अठोटमा दृढ छन् ।

    सहोदर भाइ बिष्णु कोरामा बसीरहदा ध्रुवले नत कपाल खाैरेका छन् नत जुठो नै बारेका छन् तर उनले बुबाको फोटोमा माल्यार्पण गरेका छन् र शोकलाई शक्तिमा बदल्दै सामाजिक रुपान्तरणका लागि संघर्ष गरिरहेका छन् । ध्रुव दम्पती नै कम्युनिष्ट आदर्शबाट प्रेरित छन् । भौतिकवादमा बिश्वास गर्ने उनीहरुलाई मृत्यु पछिको कर्ममा बिश्वास छैन । कम्युनिष्टले कल्पना गरेको कम्युनमा बस्दै आएका उनीहरु महोत्तरीको बर्दिबासस्थित आधारशीलामा सामुहिक बसाइका सदस्य समेत हुन् ।

    अाफूलाई कम्युनिष्टको ठुलो नेता हुँ भन्नेहरुले नै सामन्ती जड्ता छोड्न नसकेको बेलामा कम्युनिष्ट विचारले प्रेरित ध्रुव जस्ता सामान्य सदस्यका लागि परम्पराको नाममा थोपरिएको संस्कार तोड्नु चानचुने कुरा होइन । यसका लागि इच्छाशक्तिका अलावा ठुलो साहससमेत अपरिहार्य छ । त्यही अदम्य साहस प्रदर्शन गरेर ध्रुव दम्पतीले परीवर्तनको पक्षमा ब्यबहारीक योगदान गरेका छन् । स्थानीय परीवर्तनप्रेमी पीढिले उनीहरुबाट पाठ सिकिरहेका छन् । यतिबेला उनका शुभचिन्तकहरु बुवाप्रति श्रद्धान्जली र परीवारजनमा समबेदना दिन उनकोमा पुगिरहेका छन् र उनले खोलेको बाटोमा हिड्न प्रेरणा प्राप्त गरिरहेका छन् ।

    बिरोधीहरु उनीसंग बाैद्धिक बहस गर्न चाहदैनन् , उनीहरुको नजरमा मृत्यु सस्कार नमान्ने ध्रुव ठुला अपराधी बनेर उभिएका छन् । बाजुन्जेल ध्रुबको बुबाको खुशीको लागि सिन्को नभाच्नेहरु , रोगले १५ बर्षसम्म थला पार्दा फर्केर नहेर्नेहरु यतिबेला मृत्यु पछि बैतर्नी तार्ने बहानामा ध्रुवमाथि आफ्नो विचार लाद्न चाहन्छन् । बाजुन्जेल बुवाको सेवामा कुनै कसर बाँकी नराखेका ध्रुव दम्पती बैतर्नी तार्ने काममा नलागेकै कारण ती मानिसहरुले उनलाई ध्रुबे हात्तीको संज्ञा दिएका छन् । सार्वजनिक रुपमै उनीहरुले ‘अचेल गाउँमा ध्रुबे हात्तीले आतंक मच्चाइरहेको ‘ अभिव्यक्ति दिदै उनको स्वतन्त्रतामाथि लात हान्ने कुचेष्टा देखाइरहेका छन् । ‘म मुडुला कार्की कुलायन व्यवस्थापन क्षेत्रीय समितिलाई, ध्रुव कार्कीलाई कुलबाट बहिस्कार गर्न अपिल गर्दछु,’ उनका एक आफन्तले आफ्नो फेसबुकमा स्टाटस नै लेखेका छन् ।

    ”जसले जे बुझ्छ त्यहि गर्ने हो, मैले आफूले बुझेको कुराको विपरीत काजक्रियामा सरिक हुनु लोकलाजका लागि गरिने नौटंकी बाहेक केहि हुन् सक्दैनथ्यो । परम्पराको नाममा अबैज्ञानिक सस्कारको पछि लागेर हामी अघि बढ्न सक्दैनौ ।” ध्रुव भन्छन् ।

    वास्तवमा, हामीले बुझ्नपर्ने कुरा के हो भने अबैज्ञानिक सस्कारको पछि लाग्नु आफू मात्र होइन आफ्नो समाजलाई नै पछि पार्नु हो । धर्म, संस्कार,रीतिरिवाज र चालचलन हामीले निर्माण गरे अनुसार नै बन्दै जाने कुरा हुन् ।

    यी परम्परा हाम्रा लागि बनाइएका हुन् नकी परम्पराका लागि हामी । यसर्थ धर्म, संस्कार,रीतिरिवाज र चालचलनलाई बोझिलो नभइ सरल बनाउदै लानु पर्दछ । यसकालागि समयसापेक्ष परिवर्तन आवश्यक छ ।

    हिजोका १६ संस्कार आज ३ वटा(जन्म,बिबाह र मृत्यु)मा सीमित हुदै छन् । आज सतीप्रथा कथा बनिसकेको छ । हिजोका दिनमा रातभर लगाएर गरिने बिबाह कर्म अचेल १० मिनेटमै सम्पन्न हुदैछन् । यसका लागि पनि हिजोका दिनमा धेरै ध्रुवहरुले समाजसंग संघर्ष गरेका छन् जुन अाज एकादेशमा कुरा बनिसकेको छ । आज मृत्युसंस्कारमा ध्रुव दम्पतीले देखाएको साहस पनि भोलीका दिनमा आम कुरा हुने निस्चित छ । कुनै पार्टीको सदस्य हुनु नहुनु ठुलो कुरा होइन, समाज हामी सवैको साझा हो । समाज परीवर्तनका लागि यतिबेला तपाईहरुले देखाइरहनुभएको साहसलाई ह्दयदेखि सलाम छ ।

    प्रतिकृया दिनुहोस्

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...

    राखेपमा खेलकर्मीहरुको हरिबिजोग : सदस्य सचिवमा ब्यापारीकै पल्ला भारी

    फेरि व्यापारीलाई नै खेलकुदको नेतृत्व दिने तयारी काठमाडौं, मंसिर ११– देशमा सरकार परिवर्तनसँगै नेपाली खेलकुद...

    भक्तपुरका स्ववासीको भूमि सम्बन्धी समस्या समाधान गरिने

    भूमि व्यवस्था, सहकारी तथा गरिवी निवारण मन्त्री शशी श्रेष्ठले भक्तपुरमा रहेका स्ववासी र बेनिसाको समस्या...

    चाँगुनारायणमा नरेश खड्काको नेतृत्वमा माओवादी केन्द्रको नयाँ नगर समिति निर्वाचित

    सत्ता साझेदार दल नेपाल कम्युनिष्ट पार्टी (माओवादी केन्द्र) ले भक्तपुरको चाँगुनारायण नगरपालिकामा नयाँ नेतृत्व निर्वाचित...

    भक्तपुर सांगीतिक समाजको आयोजनामा २५ जनाले गरे रक्तदान

    भक्तपुर सांगीतिक समाजले आफ्नो पाँचौ स्थापना दिवसको अवसर पारेर रक्तदान कार्यक्रम सम्पन्न गरेको छ ।...