News Portal

  • चतुर्भुजेश्वर जनता बहुमुखी क्याम्पसले पायो बस

    प्रेमनाथ पाैडेलसर्लाही, १४ मंसिर
    ९०८ पटक
    सर्लाही, १४ मंसिर

    सर्लाही जिल्लाको दोस्रो तथा उतरी क्षेत्रकै पहिलो क्याम्पस चतुर्भुजेश्वर जनता बहुमुखी क्याम्पसका लागि नगरपालिकाले एउटा नयाँ बस किनेर हस्तान्तरण गरेको छ ।

    विश्वविद्यालय अनुदान कार्यक्रम मार्फत जिल्लाकै उतरी क्षेत्र हरिवन नगरपालिका -१० सुखेपोखरी मा रहेको चतुरभुजेश्वर जनता क्यामपस लाई हरिवन नगरपालिका ले एक कार्यक्रम का बिच करिब २७लाख मूल्य बराबर को बस हस्तान्तरण गरेको हो ।

    चतुरभुजेश्वर जनता बहुमुखी क्याम्पस स्वतन्त्र विद्यार्थी युनियन स्वबियुका सभापती प्रज्वल ढुङ्गानाको अध्यक्षता एवम् हरिवन नगरपालिकाका मेयर गणेश प्रसाईंको प्रमुख आतिथ्यतामा शुक्रवार आयोजित बिशेष कार्यक्रमका बीच मेयर प्रसाईंले बसको चाबी सहित बस हस्तान्तरण गरे ।

    उक्त अवसरमा मेयर प्रसाईंले ईन्टरनेट सहितको पुस्तकालय (ई -लाईब्रेरी) भवनको समेत उदघाटन गरेका थिए ।

    उनले कार्यक्रममा आफ्नो धरणा राख्दै क्याम्पसमा अझ स्तरोन्नती गर्ने, गुणस्तरीय शिक्षाको केन्द्र र नमुना प्राविधिक क्याम्पसको रुपमा अगाडि बढाउने आफ्नो लक्ष्य रहेको बताउदै त्यस तर्फ भरपुर रुपमा आफू लागेकै कारण आज क्याम्पसले यो उपलब्धी हासिल गर्न सफल भएको दावी गरे । समाज रुपान्तरण र बिकाश निर्माणका लागि योगदान गर्न पनि क्याम्पसमा अध्यनरत विद्यार्थीले उचित वातावरण पाउनुपर्नेमा जोड दिदै उनले अध्ययन मात्रै होईन राजनीति पनि बुझ्न र असल नागरिकको भुमिका निर्बाह गर्न विद्यार्थी सक्षम बन्नुपर्ने बताए ।

    २०४६ मा बहुदले व्यवस्था आए पश्चात् २०४८ मा मानविकि संकायको प्रबिणता प्रमाणपत्र को पढाइ सुरु गरेको क्याम्पसले अहिले मास्टर लेबल सम्म मानबिकी ,म्यानेजमेन्ट तथा साईन्स बिषय सहितको पढाइ संचालन गरिरहेको क्याम्पसले आफ्नो झन्डै तीन दशकको लामो समय पश्चात् बस त्यसैगरी ई लाईब्रेरी को कक्षा सन्चालन गर्नपाउनु खुशीको कुरा भएको क्याम्पस प्रमुख हरिलाल मैनालीले कार्यक्रममा बताए ।

    त्यस्तै क्याम्पस को पढाइ लाई अझ गुणस्तरीय गराउन र क्याम्पसलाई नमुना क्याम्पस बनाउन विभिन्न बिघ्न बाधा हरु लाई चिर्दै नगरपालिकाले विश्वविद्यालयको सहयोगमा पुस्तकालय भवन र बस हस्तान्तरण गर्न सफल भएको प्रति आफूहरु निकै नै खुसी भएको नगरपालिकाका प्रमुख प्रसासकिय अधिकृत टिकाराम ढकालको भनाइ थियो ।

    कार्यक्रम मा नगरपालिका कि उपमेयर रेनुका पौडेल ,वडा नम्बर १० का वडा अध्यक्ष शम्भु मैनाली, विभिन्न वडाका वडा अध्यक्षहरु, नेकपाका नेता बिदुर कुमार प्याकुरेल ,क्याम्पस ब्यबस्थापन समितिका कोषाध्यक्ष श्यामबाबु कार्की, क्याम्पसका प्रध्यापक घनश्याम पन्त लगायतले आ आफ्नो धारणा राखेका थिए भने क्याम्पसमा अध्यनरत विभिन्न भाइ बहिनीहरुले गीत संगीत लगायत आफ्नो प्रतिभा प्रस्तुत गरेका थिए ।

    प्रतिकृया दिनुहोस्

    भक्तपुरका घिमिरे सहसचिवमा सिफारिस

    निराजन nirajan ghimire

    भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा...

    धन र डनको राजनीति गर्नेलाई लखेट्न प्रचण्ड निर्देशनपछि महेश बस्नेत आक्रोशित

    राष्ट्रिय युवा संघ नेपालका इन्चार्ज समेत रहेका नेकपा (एमाले) का नेता एवं सांसद महेश बस्नेत...

    भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    CDO rudra sharma

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् ।...

    १६ मन्त्री र २ राज्यमन्त्रीले लिए शपथ,उत्साह र इमानदारिताका साथ काम गर्न निर्देशन

    शेरबहादुर देउवा नेतृत्वको मन्त्रिपरिषदमा नवनियुक्त १६ मन्त्री र २ राज्यमन्त्रीले शुक्रबार पद तथा गोपनीयताको शपथ...

    भक्तपुरमा प्रचण्डले भने – ‘धन र डनको आडमा माओवादीलाई कमजोर पार्ने नसोचे हुन्छ’

    पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो पार्टी धन र डन...