पर्यटनमन्त्री रविन्द्र अधिकारी सवार हेलिकोप्टर हराएको छ । पर्यटनमन्त्री अधिकारी सवार डाइनेस्टी एयरको हेलिकोप्टर ताप्लेजुङमा हराएको हो ।

चुहान डाँडा एयरपोर्ट निरिक्षणका लागि गएको मन्त्रीको हेलिकोप्टर दुर्घटना भएको  हुन सक्ने गृह मन्त्रालय श्रोतले जानकारी गराएको छ । ताप्लेजुङका सीडीओ अनुज भण्डारीले दारेढुंगा आसपासबाट हेलिकोप्टर सम्पर्कविहीन भएको सूचना पाएपछि उद्दार टोली सहित आफू त्यसतर्फ़ लागेको बताएका छन ।

हेलिकोप्टरमा मन्त्रीसहित ६ यात्री रहेका थिए । घटनाको थप विवरण प्राप्त हुन सकेको छैन ।