News Portal

  • विप्लवका उपत्यका ब्यूरो इन्चार्ज माइला लामा मध्यरातमा समातिए

    भक्तपुर, ५ साउन
    ९११ पटक
    भक्तपुर, ५ साउन

    नेत्र विक्रम चन्द विप्लव नेतृत्वको नेपाल कम्युनिस्ट पार्टीका उपत्यका ब्यूरो इन्चार्ज माइला लामा पक्राउ परेका छन् ।

    पछिल्लो समय उपत्यकाको कमाण्ड गरिरहेका पार्टी केन्द्रीय सदस्य समेत रहेका लामालाई गएराति १ बजे काठमाडौंको काँडाघारीबाट पक्राउ गरिएको हो । काँडाघारीको एक घरमा रहेका लामालाई घर घेरा हालेर समातिएको बताइएको छ । उनको साथमा रमेश तामाङ नाम गरेका अर्का कार्यकर्ता पनि समातिएका छन् । महानगरीय अपराध महाशाखाका प्रमुख एसएसपी सहकुल थापाले गत फागुन १० गते नख्खुको एनसेल कार्यालयमा गराइएको बम विस्फोटमा लामाको हात रहेको दावी गरे ।

    लामा चर्चित जनकलाकार पनि हुन । गीतकार तथा संगीतकार समेत रहेका लामा २०४८ सालदेखि नै सामना परिवारको महत्वपूर्ण नेतृत्वमा रहँदै आएका थिए । साथै उनी अखिल नेपाल जनसांस्कृतिक महासंघका अध्यक्ष पनि रहेका थिए । उनले थुप्रै गीतहरुमा संगीत र स्वर दिनुका साथै गीत लेखेका छन् ।

    माओवादी जनयुद्धको सुरुवातदेखि नै पार्टीमा सक्रिय लामा जनयुद्धकालमै गम्भीर घाइते भएका थिए । उनी अहिले पनि राम्रोसँग आँखा देख्न र कान सुन्न सक्दैनन । लामालाई लामो समयदेखि प्रहरीले विप्लव माओवादीका नेता मध्ये सर्वाधिक खोजिको सूचीमा राखेको थियो । उनी पछिल्लो समय उपत्यकामा हुने बम विष्फोटदेखि अन्य घटनामा सम्लग्न रहेको प्रहरीको दावी छ । तर, नेकपाका नेताहरुले भने यसलाई खण्डन गरेका छन ।

    लामा २०६४ को संविधान सभा निर्वाचनमा काठमाडौं क्षेत्र नं ९ बाट उम्मेदवार भई झिनो मतले पराजित भएका थिए ।

    सरकारले एकातिर विप्लवसँग वार्ता गर्ने बताए पनि गिरफ्तारी भने व्यापक रुपमा बढाइरहेको छ । सत्तारुढ दलका केही नेताहरु भने आफूहरुले वार्ताको वातावरण मिलाउँदै आएको बताउँदै आएका छन् । माइला लामाको गिरफ्तारीले सरकार वार्ताको हल्ला फिजाएर अझै दमन गर्न चाहेको छ भन्ने पुष्टि गरेको नेकपाका एक नेताले बताए ।

    प्रतिकृया दिनुहोस्

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...