सिनामंगलमा टिपरले तीन वटा मोटरसाइकललाई एकसाथ ठक्कर दिँदा एक जनाको घटनास्थलमै ज्यान गएको छ । २ गम्भीर घाइते छन् । घाइतेहरुको केएमसी अस्पतालमा उपचार भैरहेको छ ।

गौसालातर्फ जादै गरेको एक टिपरले ३ वटा मोटरसाइकलाई ठक्कर दिंदा उक्त हताहती भएको हो ।

आइतबार साँझ ना ३ ख ४३१७ नम्बरको टिपरले बा८५प ५६९, ज४३प ९७५३ र ना४३प ८७३५ नम्बरको मोटरसाइकललाई ठक्कर दिँदा उक्त दुर्घटना भएको थियो ।

दुर्घटना गराउने टिपर र त्यसका चालकलाई प्रहरीले नियन्त्रणमा लिएको जनाएको छ ।

मृतक तथा घाइतेहरुको पहिचान खुल्न नसकेको प्रहरीको भनाइ छ । थप विवरण आउँन बाँकी छ ।