News Portal

  • शिक्षा सुधारको लागि जस्तोसुकै पहल लिन पनि आफू तयार रहेको सांसद बस्नेतको उद्घोष

    भक्तपुर, २२ भदौ
    ६७९ पटक
    भक्तपुर, २२ भदौ

    पूर्व उद्योग मन्त्रीसमेत रहेका सांसद महेश बस्नेतले अबको शिक्षा शीपमूलक हुनुपर्नेमा जोड दिएका छन् । विद्यालयहरु बेरोजगार उत्पादन गर्ने कारखाना बन्नु नहुने बताउदै सांसद बस्नेतले गरिखान सक्ने शिक्षामा जोड दिएका हुन् ।

    आइतवार सूर्यविनायक- १ सिरुटारस्थित सिरुटार माध्यमिक विद्यालयको ५ कोठे आरसिसि भवन उद्घाटन गर्दै सांसद बस्नेतले सरकारले शिक्षालाई विशेष महत्व दिएको दावी गरे । नेकपाका केन्द्रिय सदस्य एवं प्रधानमन्त्रीका प्रिय मानिने सांसद बस्नेतले शिक्षाको सुधारको लागि आवश्यक जस्तोसुकै पहलकदमी लिन आफू तयार रहेको समेत उद्घोष गरे ।

    उनले उक्त अवसरमा नेपालको शिक्षाले युवालाई व्यवहारिक र आत्मनिर्भर बनाउनुका साथै देश र जनताप्रति बफादार बनाउनुपर्ने आवश्यकता औल्याए । त्यसका लागि सरकारले नयाँ शिक्षा नीति बाहिर ल्याउन लागेको उनले बताए ।

    भक्तपुरमा पुन निर्माणको कार्य सन्तोषजनक ढंगले अघि बढेको बताउदै उनले विद्यालयमा नयाँ भवन बनेपछि शिक्षक र विद्यार्थी उत्साहित देखिएका दावी गरे ।

    सूर्यविनायक नगरपालिकाले शिक्षामा देखाएको रुची र गरेको लगानीको प्रतिफल आउन लागेको भन्दै उनले सामुदायिक विद्यालयहरुको स्तरउन्नती भएकोमा नगरपालिकाको प्रसंसा समेत गरे ।

    कार्यक्रममा सूर्य विनायक नगर प्रमुख बासुदेव थापा, उपप्रमुख जुना बस्नेत वडा अध्यक्ष लगायतका जनप्रतिनिधिका साथै जिल्ला आयोजना कार्यान्वयन इकाई (शिक्षा) का प्रमुख,  शिक्षक, विद्यार्थी र स्थानीय शिक्षा सेवीहरुको समेत उपस्थिति रहेको थियो ।

    उद्घाटन गरिएको उक्त विद्यालयको भवन राष्ट्रिय पुननिर्माण प्राधिकरण केन्द्रिय आयोजना कार्यान्वयन इकाई (शिक्षा) र जिल्ला आयोजना कार्यान्वयन इकाई (शिक्षा) भक्तपुरको आ.व २०७४/२०७५ को कार्यक्रम अन्तर्गत रु ६२ लाख २३ हजार ७ सय २८ रुपैया र सूर्यविनायक नगरपालिकाको रु १० लाखको आर्थिक सहयोगमा निर्माण गरिएको बताइएको छ । सो भवनमा विद्यालयले आन्तरिक स्रोतबाट समेत रु ३ लाख ५० हजार लगानी गरेको जानकारी प्राप्त भएको छ ।

    प्रतिकृया दिनुहोस्

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...