News Portal

  • खेदीखेदी कन्चटमा गोली हानी लुटियो ५ लाख : कारण अर्कै हुनसक्ने स्थानीयको आशंका

    ८३९ पटक

    बुटवल, २९ भदौ । रुपन्देहीको रोहिणी गाउँपालिकामा एक व्यक्तिलाई गोली हानेर बिभत्स हत्या गरिएको छ । अज्ञात समूहले उनलाई हत्या गरी उनको साथमा रहेको नगद लुटपाट गरी फरार भएको छ ।

    आइतवार दिउँसो रुपन्देहीको ओमसतिया गाउँपालिका वार्ड नं. ५ का महेन्द्र कुर्मी लाई अज्ञात समूहले लखेटी लखेटी २ गोली प्रहार गरी ज्यान लिएका हुन् । बैंकबाट पैसा निकालेर मोटर साइकलमा घरतर्फ आउँदै गरेका उनलाई पिछा गर्दै आएको समूहले कन्चटमा गोली हानी हत्या गरेको हो ।

    सोही समूहले उनको साथमा रहेको ५ लाख रुपैयाँ पनि लुटेर भागेको जिल्ला प्रहरी कार्यालय रुपन्देहीले जनाएको छ । मोटरसाइकलमा उनको श्रीमती र छोरालाई नालीमा धकालेर कुर्मीलाई खेदीखेदी गोली हानिएको थियो । गोली लागेर कुर्मीको घटनास्थलमै मृत्यु भएको थियो ।

    जिल्ला प्रहरी कार्यालय रुपन्देहीका एसपी हृदय थापाले लुटेरा समूहको खोजी भइरहेको जनाएका छन् ।

    स्थानीयले भने घटनाको प्रकृती हेर्दा यो हत्याको कारण लुटपाट देखिएपनि अन्य कारण पनि हुनसक्ने आशंका गरेका छन् । १ वर्ष अघि कुर्मीका भाइको पनि ट्रकले किचेर ज्यान गएको थियो । स्थानीयले कसैले ज्यान लिने नियतबस ठक्कर दिएको दाबी गरेका भएपनि प्रहरीले ट्रकको ठक्करबाट मृत्यु भएको निष्कर्ष सहित फाइल क्लोज गरिदिएको थियो ।

    कुर्मीको दिनादहादै हत्या भएपछी स्थानीय आतंकित बनेका छन् । घटनाको सत्य तथ्य छानवीन गरी दोषी पता लगाउन स्थानीयले दबाब दिएका छन् । उनीहरुले शव उठाउन नदिएपछि एसपी थापा आफै उपस्थित भएर दोषी पत्ता लगाउने बचन दिएका छन् । एसपी माथि बिस्वास गरी स्थानीयले शव उठाउन दिएपछि कुर्मीको शवलाई पोष्टमार्टमका लागि अस्पताल पुर्याइएको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...