काठमाडौंमा एक महिला व्यवसायी मृत अवस्थामा फेला परेकी छिन । कपनस्थित तेन्जिङ चोकमा एक महिला मृत अवस्थामा फेला परेकी हुन् ।

कपनमा किराना र मदिरा पसल चलाउँदै आएकी ४० वर्षीया कमला कार्की मृत अवस्थामा फेला परेकी हुन् । हात मुख बाँधेको अवस्थामा प्रहरीले उनको शव फेला पारेको हो ।

दोस्रो विवाह गरेर कपनमा बस्दै आएकी कमलाको हत्या भएको प्रहरीले प्रारम्भिक अनुमान गरेको छ । महानगरीय प्रहरी वृत्त बौद्धले बताए अनुसार घटनाबारे थप अनुसन्धान भैरहेको छ ।